ဘဝမှာ လမ်းပျောက်နေတဲ့ လူငယ်တွေ အပြုလုပ်သင့်ဆုံး အရာ (၄) ခု

Photo by Niko Twisty from Pexels
Sponsored

လူတိုင်း မဟုတ်ရင်တောင် တစ်ချို့လူတွေကတော့ ဘဝကို ဘယ်လို ရှေ့ဆက်ရမလဲဆိုပြီး တွေးပူရတဲ့ အခြေအနေတွေ ရှိပါတယ်။ အဲ့အချိန်တွေမှာ ကိုယ့်ရဲ့ အိပ်မက်က ဘာလဲ မသဲကွဲသလို ကိုယ် ဘာဖြစ်ချင်လဲဆိုတာကို မသိတော့တာမျိုး ရှိသလို ကိုယ် ဖြစ်ချင်တဲ့အရာက လုံးဝ မဖြစ်နိုင်လို့ ဘာဆက်လုပ်ရမှန်း မသိတော့တာမျိုးတွေလည်း ရှိနေပါတယ်။ ဒီလို လမ်းပျောက်နေတဲ့ လူငယ်တွေအတွက် အခုလို အရာတွေက အထောက်အကူဖြစ်စေဖို့ ဖော်ပြပေးလိုက်ရပါတယ်။

(၁) ကိုယ့်ရဲ့ လက်ရှိအရည်အချင်းနဲ့ ဖြစ်လာနိုင်တဲ့ အရည်အချင်းကို တွေးပါ

Sponsored

လူတိုင်းမှာ အားသန်နေတဲ့ အရည်အချင်းတွေ ရှိပါတယ်။ တစ်ချို့တွေက လက်မှုပစ္စည်း ပြုလုပ်ရာမှာ သင်ယူမြန်သလို တစ်ချို့တော့ အရိပ်ထဲထိုင်ပြီး ဦးနှောက်သုံးရတာကို အားသာပါတယ်။ ဒါ့အပြင် တစ်ချို့ လက်နဲ့ ပန်းချီဆွဲတာကို သဘောကျပြီး တစ်ချို့တော့ ကွန်ပျူတာကိုပဲ အသုံးပြုပြီး ပုံဆွဲတတ်ကြပါတယ်။ ဒီလိုမျိုး ကိုယ့်မှာလည်း ဘယ်အရာကို ဝါသနာပါလဲ။ လက်ရှိမှာ တတ်မြောက်ထားတဲ့ အရည်အချင်းနဲ့ ဒီအရည်အချင်းထက် တိုးတက်လာအောင် ကိုယ် ဘယ်လောက်လေ့လာနိုင်တယ်ဆိုတာကို သေချာရှာပါ။

READ
နေ့စဉ်အလုပ်များစွာပြီးအောင်လုပ်နိုင်သူတွေရဲ့အမူအကျင့်များ
Photo by Andrea Piacquadio from Pexels

(၂) အရည်အချင်းနဲ့ လိုက်ဖက်မယ့် အလုပ်ကို စဉ်းစားပါ

ကိုယ့်ရဲ့ အားသာတဲ့ အရည်အချင်းနဲ့ ကိုက်ညီတဲ့ အလုပ်ကို အရင်ဆုံး စဉ်းစားလိုက်ပါ။ ဒီအလုပ်က ကိုယ့်အတွက် ဘယ်လောက်ထိ စိတ်ကျေနပ်မှု ရစေသလဲ၊ ကိုယ့်ရဲ့ ရည်မှန်းချက်ကို ဖြစ်စေနိုင်သလားဆိုတာကို တွေးပါ။ လမ်းပျောက်နေတဲ့အချိန်မှာတော့ ကိုယ့်ရဲ့ အားသာတဲ့ အရည်အချင်းကနေ အလုပ်တစ်ခုကို လုပ်ရင်း ကိုယ် တကယ် ဘာဖြစ်ချင်လဲဆိုတာကို တွေ့လာနိုင်စေပါတယ်။ ဒါကြောင့် ကိုယ့်အရည်အချင်းနဲ့ လက်ရှိမှာ ဘာတွေ လုပ်လို့ ရတယ်။ ဒီထက် အရည်အချင်းတွေ ပိုလာတဲ့အခါမှာ ဘယ်အလုပ်တွေ လုပ်လို့ ရတယ်ဆိုတာကို သတ်မှတ်ထားပါ။

Photo by Andrea Piacquadio from Pexels

(၃) လုပ်ငန်းခွင်တွေကို ရွေးကြည့်ပါ

ကိုယ်လုပ်လို့ ရမယ့် အလုပ်တွေကို ရွေးပြီးတဲ့အခါမှာတော့ ကိုယ်က ဘယ်လို နေရာတွေမှာ ရပ်တည်လို့ ရလဲဆိုတာကို လိုက်ရှာကြည့်ပါ။ ပန်းချီဆရာဆိုရင် ဘယ်လို ရပ်မယ်။ သတင်းထောက်ဆိုရင် ဘယ်မီဒီယာကို ရွေးချယ်သင့်တယ် ဆိုတာတွေအပြင် ဘာသာစကားလေ့လာသူဆိုရင် တက္ကသိုလ်တွေမှာ ကထိက ပြန်လုပ်တာမျိုး စတဲ့ လုပ်ငန်းခွင်ပုံစံတွေကို ရွေးချယ်ထားနိုင်ပါတယ်။

READ
Eng Skills တိုးတက်လိုသူတိုင်း ကြည့်သင့်တဲ့ ဇာတ်ကားများ
Photo by Artem Podrez from Pexels

(၄) စလုပ်ပါ

ဒီလိုမျိုး ကိုယ့်ရဲ့ လက်ရှိအခြေအနေကနေ ဖြစ်နိုင်တဲ့ အရာတွေကို တွေးပြီး အချက်အလက်တွေလည်း ရှာပြီးပြီဆိုရင်တော့ စတင် အကောင်အထည်ဖော်သင့်ပါပြီ။ ဒီလိုမျိုး သင် အားသာတဲ့အရာကို လုပ်ရင်းနဲ့ အဓိပ္ပာယ်ရှိရှိ နေရင်းနဲ့ သင့်ရဲ့ အိပ်မက်က လုပ်နေတဲ့အရာ ဖြစ်နိုင်သလို တခြားတစ်ခုကိုလည်း ထပ်ရှာတွေ့ဖို့ အခွင့်အရေးလည်း ရလာနိုင်ပါတယ်နော်။ ဘာမှမလုပ်ဘဲ ရပ်နေတာက သင့်ကို ပိုပြီး လမ်းပျောက်စေတာမို့ အခုပဲ စလုပ်လိုက်ပါတော့နော်။

Kham

sponsored