ဆံပင်မသန်တဲ့ မိန်းကလေးတွေအတွက် ဆံပင်အမြန်ဆုံး ရှည်လာစေမယ့် နည်းလမ်း(၄)သွယ်

shutterstock By Sofia Zhuravetc
Sponsored

မိန်းကလေးတွေအနေနဲ့ မျက်နှာအလှအပကအရေးကြီးသလို ဆံကေသာအလှကလည်း အလွန်ကိုအရေးကြီးပါတယ်။ ဆံပင်မသန်စွမ်းတာ၊ အရှည်နှေးတာ၊ ဆံပင်ပျက်စီးတာတွေဖြစ်နေရင် မျက်နှာလေးဘယ်လောက်လှအောင်ပြင်ထားထား အလှကမပြည့်စုံနိုင်ပါဘူး။ ဒါကြောင့် ဆံပင်နဲ့ပတ်သက်တဲ့ပြဿနာတွေကိုကြုံတွေ့နေရတဲ့ပျိုမေတို့အတွက် ဆံပင်သန်ပြီး မြန်မြန်ရှည်လွယ်မယ့် သဘာဝနည်းလမ်းကောင်းလေးတွေကို ဖော်ပြပေးလိုက်ပါတယ်။

၁။ ခေါင်းမလျှော်ခင် ဦးရေပြားကို သွေးလှည့်ပတ်မှုကောင်းအောင် လုပ်ပါ

shutterstock By Sofia Zhuravetc
Sponsored

ဆံပင်ရှည်လွယ်ဖို့၊ ဆံပင်ကောင်းဖို့အတွက်ဆိုရင် ခေါင်းလျှော်တဲ့နည်းလမ်းက အလွန်အရေးကြီးပါတယ်။ ခေါင်းမလျှော်ခင်မှာ ဦးရေပြားကိုနွေးသွားအောင်လုပ်ပေးဖို့ ဆံပင်အရင်းနားလေးတွေကိုလက်ဖျားလေးတွေနဲ့ထိုးဖွပေးပါ၊ လက်ဝါးနှစ်ဖက်ကို ပူနွေးလာအောင် ပွတ်တိုက်ပြီး ဦးရေပြားမှာကပ်ပေးပါ။ အဲ့ဒီလိုမျိုး ၅ မိနစ်လောက်လုပ်ပေးပြီးမှ ခေါင်းလျှော်ပေးလိုက်ရင် ဆံသားကိုပိုကောင်းစေပြီး မြန်မြန်ရှည်လာစေပါတယ်။

၂။ အိန္ဒိယရိုးရာနှိပ်နည်းသုံးပါ

freepik by freepik

ဆံပင်အရင်းတွေကို လက်နှစ်ဖက်နဲ့ဆုပ်ကိုင်ပြီး ဖြည်းဖြည်းချင်းဆွဲပေးပါ။ ပြီးရင်လက်မကိုသုံးပြီး ဦးခေါင်းနောက်ခြမ်းကိုနှိပ်ပါ၊ လက်ချောင်းထိပ်လေးတွေနဲ့ လည်ပင်းနောက်ဘက်တလျှောက်နှိပ်ပေးပါ။ နောက်ဆုံးမှ နဖူးဆံစပ်တလျှောက်ကို လက်ဝါးနဲ့ပွတ်တိုက်ပေးပါ။ ဒီနည်းလမ်းက အိန္ဒိယလူမျိုးအမျိုးသမီးတွေ ဆံပင်သန်ဖို့သုံးကြတဲ့ရိုးရာနည်းတစ်ခုဖြစ်ပါတယ်။ 

၃။ ဦးရေပြားကို အောက်စီဂျင်ရအောင် လုပ်ပေးပါ

READ
ကျန်းမာသန်စွမ်းတဲ့ဆံကေသာကိုပိုင်ဆိုင်ချင်ရင် ဒီနည်းလမ်းလေးတွေကို မကြာခဏပြုလုပ်ပေးပါ....
freepik by freepik

ဆံပင်သန်ဖို့၊ ဆံပင်မြန်မြန်ရှည်ဖို့ဆိုရင် ဦးရေပြားကအောက်စီဂျင်ရဖို့လိုပါတယ်။ ဦးရေပြား အောက်စီဂျင်ရအောင် ဦးခေါင်းသွေးလှည့်ပတ်မှုကောင်းအောင်လုပ်ပေးရမှာပါ။ ဦးခေါင်းသွေးလှည့်ပတ်မှုကောင်းဖို့အတွက် ဦးခေါင်းကိုအိပ်ရာအစွန်ဘက်မှာ ၁၀မိနစ်လောက် နောက်ပြန်လှန်ထားပေးရပါမယ်။ 

၎။ ကြက်ဥနဲ့အမြဲ ပေါင်းတင်ပေးပါ

shutterstock By avocan

ကြက်ဥရဲ့ပရိုတင်းဓာတ်က ဆံပင်မြန်မြန်ရှည်ဖို့ အကောင်းဆုံးလိုအပ်ချက်တစ်ခုပါ။ ဒါကြောင့် ဆံပင်ပေါင်းတင်တဲ့တခြညးနည်းလမ်းတွေမလုပ်ဖြစ်ရင်တောင် ကကြက်ဥနဲ့တော့ တစ်ပတ်တစ်ခါပုံမှန်ပေါင်းတင်ပေးပါ။ ကြက်ဥတစ်လုံးလုံးကိုသံလွင်ဆီတစ်ဇွန်းနဲ့ရောပြီး တစ်ခေါင်းလုံးအနှံ့လိမ်းပြီး ၁၅မိနစ်ကြာရင်ခေါင်းလျှော်ပေးပါ။ ဒီအတိုင်းပေါင်းတင်ပေးတာက ဆံပင်ကိုသိသိသာသာရှည်လာစေပါတယ်။

May

sponsored