အသက်ကြီးလာတဲ့ မိဘတွေကို ဘယ်တော့မှ မပြောသင့်တဲ့ စကား ၆ ခွန်း

shutterstock/fizkes
Sponsored

လူတိုင်းမှာ အသက်ကြီးသွားမယ့် အချိန်တစ်ချိန်ဆိုတာ ရှိပါတယ်။ လူတွေက အသက်အရွယ်နဲ့ အမျှ ခံစားချက်တွေလည်း ပြောင်းလာတတ်ကြပါသေးတယ်။ လူတိုင်းမှာ အသက်ကြီးသွားတဲ့ အချိန်ဆိုတာ ရှိပြီး အသက်ကြီးတဲ့အခါမှာလည်း ခံစားရတာတွေ ရှိပါတယ်။ ဒီလို အသက်ကြီးလာပြီ ဖြစ်တဲ့ မိဘတွေ ပိုင်ဆိုင်ထားပြီဆိုရင်တော့ ဒီလို စကားတွေကို သင် လုံးဝ မပြောသင့်ပါဘူးနော်။

(၁) အမေတို့ ဘာမှ မသိပါဘူး

Sponsored

မိဘတွေနဲ့ ကိုယ်က ခေတ်ကွာသလို လူ့ပတ်ဝန်းကျင် အယူအဆတွေလည်း ကွာနေပါသေးတယ်။ ကိုယ့်ခေတ်နဲ့ ကိုယ် ဖြတ်သန်းကြတဲ့သူဆိုတာကို မမေ့သင့်ပါဘူး။ ဒီလို ကွာဟချက်ကြောင် သူ့အတွေးနဲ့ သူ ပြောမိတာကို သင်က အမေတို့ အဖေတို့ ဘာမှမသိပါဘူးဆိုပြီး ပြောလိုက်တာက သူတို့ရဲ့ စေတနာတွေကို ပိတ်ပင်လိုက်သလို ဖြစ်သွားစေပါတယ်။ ပြီးတော့ စိတ်မကောင်းလည်း ဖြစ်သွားမှာပါ။

shutterstock/Roman Samborskyi

(၂) ကိုယ့်ဘာသာ အေးအေး နေစမ်းပါ

သားသမီးတွေက များသောအားဖြင့် အသက်ကြီးလာတဲ့ မိဘတွေကို ပင်ပန်းတာမျိုး ထပ်မဖြစ်စေချင်ကြပါဘူး။ ဒါကြောင့် ဂရုဏာဒေါသော ဖြစ်မိသွားတတ်ကြတဲ့အချိန်တိုင်းမှာ ကိုယ့်ဘာသာ အေးအေး နေပါ အေးအေး နေလို့ ရရဲ့သားနဲ့ ဘာတွေ  လုပ်နေတာလဲလို့ ပြောတဲ့အခါ မိဘတွေကို စိတ်မကောင်းဖြစ်စေတတ်ပါတယ်။ ကိုယ့်ကို အသုံးမဝင်တဲ့ အရာတစ်ခုလို ခံစားရသွားစေပါတယ်။

READ
မိသားစုရဲ့အချစ်ခံရပြီး ကြီးပြင်းလာခဲ့သူတစ်ယောက်မှန်း သိသာတဲ့အချက် (၅) ချက်

(၃) ဘယ်နှစ်ခါ ပြောရမလဲ

အသက်ကြီးလာတဲ့ ခန္ဓာကိုယ်က မှတ်ဉာဏ်တွေကလည်း ငယ်ငယ်ကလို မဖြစ်နိုင်ပါဘူး။ သင်က အသက်ကြီးတဲ့ မိဘ ရှိနေရင် ဒါကို နားလည်ထားသင့်ပါတယ်။ သင် ပြောလိုက်တဲ့အရာတွေကို သူ့ဦးနှောက်က မှတ်သားချင်မှ မှတ်သားနိုင်တာပါ။ သင်က ဒီလို စိတ်မရှည်ဘဲ အပြစ်တင်တဲ့အခါ သင့်မိဘတွေ စိတ်ထဲ သူတို့ကိုယ် သူတို့ အနှောင့်အယှက် ဖြစ်နေမိပြီလားလို့ တွေးသွားရစေနိုင်ပါတယ်။

shutterstock/fizkes

(၄) အမေ ဒါတွေ လုပ်စရာ မလိုပါဘူး

သားသမီးတွေက အသက်ကြီးလာတဲ့ မိဘတွေကို ထိခိုက်မိတာ လွယ်လို့ ငြိမ်ငြိမ်လေး နေတာကို ပိုပြီး သဘောကျတတ်ကြပါတယ်။ ဒါကြောင့် မိဘတွေ သက်တောင့်သက်သာ နေနိုင်ဖို့ ဖန်တီးပေးတတ်ပါတယ်။ ဒီလို ဖန်တီးပေးရင်တောင်မှ မိဘတွေက တစ်ခုမဟုတ် တစ်ခု လုပ်နေတတ်ပါတယ်။ ဒါက သူတို့ကိုယ် သူတို့ လူပိုတစ်ယောက်လို အသုံးမဝင်တော့သလို မခံစားရချင်တာကြောင့် ဖြစ်ပါတယ်။

READ
မွေးချင်းထဲက အကြီးဆုံးတွေဟာ နူးညံ့တဲ့ အချစ်တတ်ဆုံးသူများ ဖြစ်ကြောင်း လေ့လာသိရှိ

(၅) အမေ မမောဘူးလား

အသက်ကြီးလာတဲ့သူတွေက စကားပြောဖော် ပိုပြီး လိုအပ်လာပါတယ်။ တစ်ဘဝလုံး ဖြတ်သန်းခဲ့တာတွေထဲက သူတို့အတွက် အမှတ်ရစရာတွေကို စကားပြောဖော်ရှိတာနဲ့ ပြောတတ်ကြပါတယ်။ ဒါကတော့ အရွယ်ကြောင့် ဖြစ်တဲ့အရာပါ။ ဒါကို သင်က နားငြီးပြီး အမေ မမောဘူးလား သိပြီးသားတွေ ဘာလို့ ထပ်တလဲလဲ ပြောနေလဲ စတဲ့ စကားမျိုးနဲ့ တုန့်ပြန်လိုက်ရင်တော့ သင့်မိဘ စိတ်မကောင်း ဖြစ်သွားမှာပါ။

(၆) ရှင်းပြလည်း သိမှာ မဟုတ်ဘူး

ခေတ်အရ ပြောင်းလဲလာတာတွေ ရှိပါတယ်။ အသက်ကြီးလည်း လူတွေက ကိုယ်နဲ့ မရင်းနှီးတဲ့ အရာတွေကို သိလိုစိတ်က ရှိကြပါတယ်။ ဒါကြောင့် သူတို့ သိချင်တာရှိရင် မေးနေတတ်ပါတယ်။ သင်က ရှင်းပြလိုက်ပေမယ့် နားမလည်တာ များနေတဲ့အခါ နောက်အကြိမ်တွေမှာ သင်က အမေ့ကို ရှင်းပြလည်း နားလည်မှာမှ မဟုတ်တာလို့ ပိတ်ပြောလိုက်တာမျိုးက သင်က မိဘတွေကို စိတ်မရှည်ဘူး သင်က မိဘတွေကို အချိန်ပေးဖို့ မလိုလားတဲ့ သဘော သက်ရောက်သွားစေလို့ လုံးဝ မလုပ်သင့်ပါဘူးနော်။

Kham

sponsored