သားသားမီးမီးတွေကို ဖုန်းပေးသုံးတာထက် ဉာဏ်ရည်ပိုထက်မြက်စေမယ့် ကစားနည်း(၄)ခု

Freepik.com
Sponsored

ခေတ်မီပစ္စည်းတွေက လူကြီး လူငယ်မရွေးကို ဆွဲဆောင်နိုင်ကြပါတယ်။ လူကြီးတွေက ကလေးတွေကို ဖုန်းတွေ ပေးသုံးပြီး ဂိမ်းကစားစေတာတောင် ရှိနေပါတယ်။ တကယ်တော့ ကလေးအရွယ်တွေက ဖုန်းမျက်နှာပြင်ကို ကြည့်တာ သိပ်မသင့်တော်ပါဘူး။ ကလေးရဲ့ သဘာဝအတိုင်း ဖွံ့ဖြိုးမှုကို ဖုန်းတွေ ကြည့်တာက နှောင့်နှေးမှုတောင် ဖြစ်စေတတ်ပါသေးတယ်။ ဖုန်းပေးသုံးတာထက် အခုလို ကစားနည်းလေးတွေကို ကလေးတွေကို ဆော့စေတာက ပိုပြီး ဉာဏ်ထက်မြက်စေပါတယ်။

(၁) Puzzle ဆက်တာ

Sponsored

ပုံသေးသေးလေးတွေကနေ ပုံအကြီးကြီး ဖြစ်တဲ့အထိ ဆက်လို့ ရတဲ့ ကစားနည်းရှိပါတယ်။ ဒီကစားနည်းက ကလေးတွေကို ဦးနှောက်ရဲ့ စဉ်းစားဉာဏ် မြင့်တက်စေပြီး ဆင်ခြင်နိုင်စွမ်းကို မြှင့်တင်ပေးပါတယ်။ ဆော့လို့ အောင်မြင်အောင် ဘေးက ပံ့ပိုးမှု ပြုလုပ်ပေးပြီး အောင်မြင်သွားရင် သူတို့ရဲ့ စွမ်းရည်ကို ချီးကျူးပေးဖို့ လိုပါတယ်။

READ
Instagram မှာ နာမည်ကြီးနေတဲ့ ကလေးလေး
Freepik.com

(၂) ပစ္စည်းဖွက်ပြီး ပြန်ရှာတာ

ဖုန်းနဲ့ ထိုင်ပြီး သုံးနေစေတာထက် ကလေးရဲ့ ဖွံ့ဖြိုးမှုကို ပိုအထောက်အပံ့ဖြစ်စေတာက လှုပ်ရှားပြီး သွားလာစေတာပါပဲ။ ပစ္စည်းလေးတွေကို သူရှာလို့ လွယ်တဲ့ နေရာတွေမှာ ဖွက်ထားပြီး သူ့ကို ရှာစေတဲ့နည်းကတော့ ကလေးကို ဦးနှောက်စွမ်းရည်တစ်ခုဖြစ်တဲ့ မှတ်ဉာဏ်ကိုပါ ကောင်းစေပါတယ်။ ကျောက်တုံး ဘယ်နှစ်ခု၊ အရုပ် ဘယ်နှစ်ရုပ်၊ စာအုပ် ဘယ်နှစ်အုပ် ဖွက်ထားကြောင့် ကလေးကို ပြောပြပြီး ရှာတွေ့တဲ့အခါ ဆုချတဲ့ စနစ်နဲ့ ပြုလုပ်ပြီး ကစားလို့ ရပါတယ်။

Photo by Tatiana Syrikova from Pexels

(၃) အတုံးတွေဆင့်တာ

သစ်သားတုံးလေးတွေကို ဆင့်ဆင့်ပြီး ဆော့ရတဲ့ ကစားနည်း သို့မဟုတ် အရုပ်တွေ ဆက်ပြီး ဆော့ရတဲ့ ကစားစရာတွေ ရှိပါတယ်။ မြင့်သထက် မြင့်အောင် အတုံးလေးတွေကို ဆင့်ဆင့်သွားရတာ ဖြစ်ပါတယ်။ ဒါက သင့်ကလေးကို လက်ချောင်းတွေ သန်မာအောင်လည်း ပြုလုပ်ပေးသလို ဦးနှောက်ကိုလည်း ဟန်ချက်ညီအောင် တွေးတာမျိုးကို အလေ့အကျင့် ဖြစ်စေပါတယ်။

READ
ကလေးတွေကို မူကြိုအရွယ်လေးကတည်းက စာဖတ်ပြခြင်းက ဒီအကျိုးကျေးဇူး (၈)မျိုးကို ရစေနိုင်
Photo by cottonbro from Pexels

(၄) ဝင်္ကပါလမ်းကြောင်း

စာရွက်ပေါ်မှာ ဝင်္ကပါလမ်းကြောင်းလေးတွေနဲ့ လမ်းအမှန်ကို ရှာရတဲ့ ကစားနည်း ရှိပါတယ်။ ခဲတံကိုင်စအရွယ်ကလေးတွေအတွက် ဒီကစားနည်းတွေ ဆော့လို့ ရပါတယ်။ ဒါက ပြဿနာတွေ ဖြေရှင်းနိုင်စွမ်းကို မြှင့်တင်ပေးသလို လက်ချောင်းတွေ သန်မာအောင်လည်း ပြုလုပ်ပေးပါတယ်။ ဒါက သူတို့ကို တစ်ခုခုကို ပုံရိပ်ကို ကြည့်ပြီး စဉ်းစားတာမျိုးကိုလည်း အလေ့အကျင့် ဖြစ်စေပါသေးတယ်။

Shutterstock/Armation

Kham

 

sponsored