အိမ်မပိုင်တဲ့ ကောင်မလေးတွေနဲ့ ချစ်သူထားရင် ကြုံရတတ်တဲ့ အခက်အခဲများ

diana.grytsku/Freepik
Sponsored

ချစ်သူထားတယ်ဆိုတာ အရွယ်ရောက်တဲ့သူတိုင်းမှာ ရှိတတ်တဲ့ အရာတစ်ခုပါ။ ဒါပေမယ့်လည်း အများသူငါလို ပွင့်ပွင့်လင်းလင်း ချစ်သူထားခွင့် မရှိတဲ့ ကောင်မလေးတွေလည်း ရှိနေပါသေးတယ်။ ချုပ်ချယ်တတ်တဲ့ အရမ်းကို အချစ်ကြီးလွန်းတဲ့ မိသားစုတွေမှာ ကြီးပြင်းရတဲ့ ကောင်မလေးတွေကတော့  အိမ်မပိုင်တဲ့ ကောင်မလေးတွေအဖြစ် ရပ်တည်ကြရပါတယ်။ သူတို့လေးတွေ ချစ်သူထားမိပြီဆိုရင် အခုလို အခက်အခဲတွေကို မဖြစ်မနေ ရင်ဆိုင်ကြရတော့ပဲ ဖြစ်ပါတယ်။

(၁) ဖုန်းပြောလို့ အဆင်မပြေဘူး

Sponsored

အိမ်မပိုင်တဲ့ ကောင်မလေးတော်တော်များများက ကိုယ်ပိုင် အခန်းရှိရင်တောင်မှ ချစ်သူနဲ့ လွတ်လွတ်လပ်လပ် ဖုန်းပြောလို့ မရကြပါဘူး။ ဖုန်းပြောတဲ့အသံကို ကြားတာနဲ့ ဘယ်သူ့ဆီက လာတာလဲဆိုတာမျိုး အမေးခံရသလို ဖုန်းပြောတာ ကြာသွားရင်လည်း ဘယ်သူနဲ့ ပြောနေလို့ ဒီလောက်တောင် ကြာနေတာလဲ စသဖြင့် မြည်တွန်တောက်တီးဒဏ်ကို ခံကြရပါတယ်။ ဒါကြောင့် သူတို့တွေက ဖုန်းပြောတာထက် chatting ကို ပိုပြီး သဘောကျတတ်ကြပါတယ်။

Photo by Andrea Piacquadio from Pexels

(၂) ချစ်သူထားသွားမှာကို စိုးရိမ်ရတယ်

ချစ်သူတွေ ဖြစ်လာရင် အပြန်အလှန် လိုအပ်ချက်တွေ ရှိလာတတ်ကြပါတယ်။ လွမ်းတဲ့အချိန်မှာ အသံလေး ကြားချင်တာ၊ Video call လေး ပြောချင်တာ၊ အပြင်အတူ ထွက်လည်ချင်တာနဲ့ တစ်ချို့ဆို ခရီးအတူ ထွက်ချင်တာမျိုးတောင် ရှိပါတယ်။ ဒါပေမယ့် အိမ်မပိုင်တဲ့ ကောင်မလေးတွေကတော့ ဒီအရာအားလုံးကို ကိုယ့်ချစ်သူအလိုကျ လုပ်ပေးဖို့ အင်မတန် ခက်ပါတယ်။ ဒီအရာတွေအားလုံးကို လုပ်မယ်ဆိုရင် အိမ်နဲ့ အတိုက်အခံ လုပ်နေရမှာ ဖြစ်သလို တစ်ချို့က အိမ်ရဲ့ ဆူပူမှုကို ခံရမှာ ဖြစ်ပါတယ်။ ဒါကြောင့် အိမ်ရဲ့ အလိုအတိုင်း ဖြစ်ဖို့ ဆင်ဆင်ခြင်ခြင် နေရတဲ့အခါ ကိုယ့်ချစ်သူ ကောင်လေးက ငြိုငြင်ပြီး ထားသွားမှာ စိုးရိမ်နေကြရပါတယ်။

READ
တစ်ယောက်ယောက်ကို ပုံပြီး မချစ်သင့်ကြောင်း သက်သေပြနေတဲ့ အချက်များ
Photo by Dương Nhân from Pexels

(၃) အိမ်နဲ့ စကားများရတယ်

အိမ်မပိုင်တဲ့ ကောင်မလေးတွေက အိမ်မပိုင်ပေမယ့်လည်း လွတ်လပ်ခွင့် အပြည့် မရလို့ အိမ်အပေါ် ငြိုငြင်စိတ်နဲ့ စိတ်မလုံခြုံမှုက အမြဲ ရှိနေတာ ဖြစ်ပါတယ်။ သူတို့တွေ ချစ်သူ ထားမိတဲ့အခါ ချစ်သူရဲ့ လိုအင်ဆန္ဒအချို့နဲ့ ကိုယ့်ရဲ့ အချစ်စိတ်ကြောင့် ကိုယ့်ချစ်သူနဲ့ အချိန်ကုန်ချင်တဲ့အရာမျိုးတွေ ရှိလာတတ်ကြပါတယ်။ ဒီအတွက် သူတို့ရဲ့ မကျေနပ်ချက်တွေက ပိုများပြီး အိမ်နဲ့ အတိုက်အခံလုပ်ရတာ၊ စကားများရတာတွေ ရှိလာတတ်ပါတယ်။

goffkein/Freepik

(၄) ကိုယ့်စိတ်တိုင်းကျ လုပ်လို့ မရဘူး

သူတို့လေးတွေက အပြင်သွားရင်တောင် အိမ်ရဲ့ ခွင့်ပြုချက်ကို ယူကြရတာ ဖြစ်ပါတယ်။ အိမ်ပြန်ရမယ့် အချိန်တွေကိုလည်း အိမ်က သတ်မှတ်သလို အိမ်ကို အသိပေးထားရပါတယ်။ ဒီအတွက် သူတို့ရဲ့ ဆုံးဖြတ်ချက်အတိုင်း ဘာမှ မလုပ်နိုင်ပါဘူး။ သူတို့ လုပ်ချင်တဲ့အရာတွေကို အိမ်ရဲ့ ခွင့်ပြုချက်ရမှ လုပ်ခွင့် ရှိကြတာ ဖြစ်ပါတယ်။ ဒါကြောင့် သူတို့ကို ဘယ်နေ့ ဘယ်အချိန်မှာ တွေ့ကြရအောင် ဆိုတာမျိုး လုပ်လို့ မရပါဘူး။ သူတို့အိမ်နဲ့ ညှိနှိုင်းပြီး ရလာတဲ့ အချိန်ကိုပဲ အသုံးချလို့ ရမှာ ဖြစ်ပါတယ်။

READ
Introvert တွေကို ချစ်သူအဖြစ် ရွေးချယ်သင့်တဲ့ အချက် ၅ ချက်
Photo by Masha Raymers from Pexels

(၅) အပြစ်ပြောခံရတယ်

အရင်တည်းက ချုပ်ချယ်တတ်တဲ့ အိမ်ဆိုပေမယ့် အရမ်း ချုပ်ချယ်တာ မဟုတ်ဘဲ ကိုယ့်ဘက်က အသိပေးရင် ရတယ်ဆိုတဲ့ မိသားစုမှာ ကြီးပြင်းတဲ့ ကောင်မလေးတွေက ချစ်သူရှိကြောင်း အိမ်ကို အသိပေးရလေ့ ရှိပါတယ်။ မိသားစုက သိထားမှသာ သူတို့လည်း ဝန်တစ်ခု လျော့တာ ဖြစ်ပါတယ်။ ဒါပေမယ့်လည်း ရည်းစားရှိလာတော့ ဘယ်လို ဆိုတဲ့ ဆူပူမှုတွေကိုတော့ ထပ်ပြီး ကြုံနေကြတာပဲ ဖြစ်ပါတယ်။ ဒီအတွက် ကိုယ့်ချစ်သူက အကောင်းဆုံး နားလည်ပေးမှသာ သူတို့ ခံစားရတာတွေ သက်သာမှာ ဖြစ်ပါတယ်။

Kham

sponsored