သင့်အမေကို ချစ်ရင် ဒါမျိုးတွေကို မလုပ်မိပါစေနဲ့….

shutterstock/Iakov Filimonov
Sponsored

အမေတွေဆိုတာ သားသမီးတွေအတွက်ဆိုရင် ကိုယ့်ထက် ပိုပြီး ဦးစားပေးကြတဲ့သူတွေ ဖြစ်ပါတယ်။ သူတို့က သားသမီးအတွက် အသက်ပေးဖို့တောင် ဝန်မလေးကြတာမို့ သင့်ဘက်ကလည်း ပြန်ကျေးဇူးသိတတ်ဖို့ လိုပါတယ်။ သင် အခုလို ကြီးပျင်းလာဖို့အတွက် အမေတွေက အချိန်ပေးပြီး ပြုစုပျိုးထောင်ခဲ့ကြတာပါ။ သင့်မေမေကို သင် ချစ်တယ်ဆိုရင်တော့ ဒီလိုအချက်တွေ မလုပ်မိဖို့ လိုပါတယ်နော်။

(၁) ငြိုငြင်တာ

Sponsored

အမေတွေနဲ့ သားသမီးတွေက အသက်တွေ ကွာသလို ခေတ်တွေလည်း ကွာပါတယ်။ ဒီအတွက် အဆင်မပြေမှုတွေလည်း ရှိလာတတ်ပါတယ်။ ကိုယ်က ခေတ်လူငယ် ဖြစ်လို့ ပိုပြီး နားလည်လွယ်ပေမယ့် အမေတွေကတော့ ခေတ်နဲ့ မလိုက်မီတာကြောင့် မသိတာမျိုး ဖြစ်နေတတ်ပါတယ်။ ဒါကြောင့် ကိုယ့်ကို လာမေးတဲ့အခါမှာ စိတ်မရှည်တာမျိုး၊ ရှင်းပြနေတာတောင် နားမလည်ဘူးဆိုပြီး ငြိုငြင်တာမျိုး မလုပ်သင့်ပါဘူး။ သင် ကလေးဘဝတုန်းက သူတို့ သင့်အပေါ် စိတ်ရှည်ခဲ့တာကို သတိရကြည့်ပါနော်။

READ
မွေးဖွားတဲ့ မောင်နှမနံပါတ်စဉ်အလိုက် ပင်ကိုယ်ရှိတတ်ကြတဲ့ မွေးရာပါစရိုက်လက္ခဏာများ
Photo by Andrea Piacquadio from Pexels

(၂) အဖက်မလုပ်တာ

အမေတွေက သားသမီးတွေကို အမြဲ အရိပ်တကြည့်ကြည့် နေကြပါတယ်။ ဘယ်လို အကျင့်တွေ ဘာတွေ ကြိုက်တယ်ဆိုတာကို သိပြီး ဖြည့်ဆည်းပေးဖို့ လုပ်ကြသူတွေ ဖြစ်ပါတယ်။ ဒါကို သင်က အရွယ်ရောက်လာလေ သင့် သူငယ်ချင်းတွေ၊ ကျောင်းကိစ္စတွေနဲ့ အလုပ်ကိစ္စတွေပဲ ရှုပ်ပြီး သင့်အမေကို မေးထူးခေါ်ပြောလောက်ပဲ အချိန်ပေးမိတာမျိုး မဖြစ်သင့်ပါဘူး။ ဒီလိုဆို သင့်အမေက အထီးကျန်နေနိုင်ပါတယ်။

(၃) ဂရုမစိုက်တာ

အမေတွေဆိုတာ ကိုယ် နေမကောင်းရင် တဖွဖွ ဆေးတိုက် ဂရုစိုက်တတ်ကြတဲ့ သူတွေ ဖြစ်ပါတယ်။ ဒီလို မေတ္တာကြီးမားပေမယ့် အမေတွေက သူတို့ နေမကောင်းတဲ့အခါ သားသမီးတွေကိုတောင် မသိစေတဲ့သူ ဖြစ်ပါတယ်။ ဒါပေမယ့်လည်း အမေတွေက သားသမီးတွေ ဂရုစိုက်ပေးရင် ပီတိဖြစ်ပြီး ရောဂါတစ်ဝက် သက်သာသွားတတ်ပါတယ်။ ဂရုမစိုက်တဲ့အခါလည်း ဝမ်းနည်းတတ်တာမို့ ဂရုမစိုက်တာမျိုး မလုပ်တာ အကောင်းဆုံးပါနော်။

READ
လူတွေ မသိတဲ့ အငယ်ဆုံးလေးတွေရဲ့ ရင်တွင်း ခံစားချက်များ
rawpixel.com/Freepik

(၄) ပြစ်တင်တာ

အမေတွေက သားသမီးတွေကို ဆူပူတာတွေ ရှိပေမယ့်လည်း ကောင်းစေချင်လို့ ဖြစ်ပါတယ်။ အမေတွေ အသက်တွေ ကြီးလာတဲ့အခါမှာတော့ သူတို့တွေရဲ့ ပြုမူ ပြောဆိုတာတွေက အဆင်မပြေကောင်း မပြေ ဖြစ်နေမှာပါ။ ဒါက အသက်ကြီးလို့ ဖြစ်လာတဲ့အရာတစ်ခု ဖြစ်ပါတယ်။ ဒါကို သင့်ဘက်က ပြစ်တင်မှုတွေ လုပ်ရင် သူတို့ စိတ်မကောင်း ဖြစ်သွားမှာမို့ မလုပ်သင့်ပါဘူး။

(၅) အဆက်အသွယ် မလုပ်တာ

အခုခေတ်မှာတော့ လူငယ်တွေက မိဘတွေနဲ့ ဝေးတဲ့ နေရပ်တွေမှာ အလုပ်လုပ်နေရတတ်ပါတယ်။ အမေတွေက သားသမီးတွေ ဘယ်ရောက်ရောက် အန္တရာယ်ကင်းဖို့ မျှော်လင့်နေပြီး သားသမီးတွေရဲ့ အခြေအနေတွေကို သိချင်နေတတ်ပါတယ်။ ဒါကြောင့် သင့်အမေ ဖုန်းဆက်တဲ့အခါ အချိန်ပေးပြီး ဖုန်းပြောသင့်ပါတယ်နော်။ သင့်ဘက်က အချိန်မပေးရင် သင့်အမေက စိတ်ပူနေတတ်တာမို့ အဆက်အသွယ် မလုပ်ဘဲ ထားတာမျိုး လုံးဝ မလုပ်သင့်ပါဘူး။

Kham

sponsored