စိတ်ဖိစီးတဲ့ လုပ်ငန်းခွင် ပြဿနာတွေအတွက် သင် ပြုလုပ်နိုင်တဲ့ အရာများ

Shutterstock/micro10x
Sponsored

လုပ်ငန်းခွင်ဆိုတာက နေ့စဉ်ရှောင်မရတဲ့ အရာတစ်ခု ဖြစ်ပါတယ်။ အကြောင်းအမျိုးမျိုးနဲ့ လုပ်ငန်းခွင်တွေကနေ သင့်ကို စိတ်ဖိစီးမှုတွေ ဖြစ်စေနိုင်ပါတယ်။ အလုပ်က ရတဲ့ စိတ်ဖိစီးမှုတွေကို သင့်ကို ပင်ပန်းသထက် ပင်ပန်းစေလာပြီဆိုရင်တော့ ဒီလိုမျိုး သက်သာအောင်  ပြုလုပ်လို့ ရနိုင်ပါတယ်။

(၁) အဓိက ပြဿနာက ဘာလဲ သုံးသပ်ပါ

Sponsored

လုပ်ငန်းခွင်ကြောင့် တစ်နေ့ တစ်နေ့ စိတ်ဖိစီးနေရင်တော့ အဖြေရှာကြည့်ပါ။ သင့် လုပ်ငန်းခွင်မှာ ရှိတဲ့ ဘယ်လို အကြောင်းအရာက သင့်ကို စိတ်ဖိစီးစေတယ်ဆိုတာကို စဉ်းစားကြည့်ပါ။ မတိုးတက်စေတာကြောင့်လား။ အလုပ်ကို အာရုံစိုက်မရလို့လား။ အလုပ်အရမ်းလုပ်ရလို့လား။ လူတွေကြောင့်လား။ လုပ်ငန်းခွင်နဲ့ မတူတာကြောင့်လား စသဖြင့် တွေးကြည့်တာက သင့်ဖြေရှင်းဖို့အတွက် အဖြေ တွေ့စေမှာပါ။

Photo by Andrea Piacquadio from Pexels

(၂) ဖြေရှင်းပါ

သင့်ကို စိတ်ဖိစီးတဲ့အရာကို ဖြေရှင်းတာကလည်း သင့်ကို စိတ်သက်သာရာ ရစေနိုင်ပါတယ်။ လူတွေကြောင့်ဆိုရင် သင့်အလုပ်ကိုပဲ အာရုံစိုက်ပြီး လူတွေနဲ့လည်း အလုပ်အရပဲ ပြောဆိုစရာ ရှိတာ ပြောဆိုပါ။ အလုပ်အရမ်းများရင်လည်း ကိုယ့်ကိုယ်ကို ကျန်းမာ အားရှိအောင် နေပြီး အလုပ်နဲ့ မျှတဲ့ လုပ်ခလစာ တောင်းဖို့ မမေ့ပါနဲ့။ ကိုယ် လုပ်ရတာနဲ့ ထိုက်တန်တဲ့ လခ ရခြင်းကလည်း သင့်ရဲ့ ပင်ပန်းမှုတွေကို လျော့နည်းစေမှာပါ။

READ
လူငယ်များ အသက်မွေးဝမ်းကျောင်း ရွေးချယ်ရန် အကြံပြုချက်များ

(၃) ကိုယ်ရေးကိုယ်တာ မဆန်ပါစေနဲ့

အလုပ်မှာ ဆုံတဲ့ လူတွေဆိုတာ သင့်သူငယ်ချင်းတွေ မဟုတ်ပါဘူး။ လုပ်ဖော်ကိုင်ဖက်တွေဆိုတာ မမေ့လိုက်ပါနဲ့။ လူမှုရေး အရမ်းဆန်ပြီး လူတွေနဲ့ ပေါင်းတဲ့ အခါ အလုပ်လုပ်တဲ့အခါမှာ အဆင်မပြေတာတွေ ဖြစ်စေသလို သင့်အတွက် စိတ်အနှောင့်အယှက်လည်း ဖြစ်စေနိုင်ပါသေးတယ်။ ဒါကြောင့် အလုပ်ကို အလုပ်လို လုပ်ပါ။ အလုပ်ကသူတွေကိုလည်း လုပ်ဖော်ကိုင်ဖက်တွေလိုပဲ ဆက်ဆံပါ။

Photo by fauxels from Pexels

(၄) အလုပ်ပဲ မှန်အောင် လုပ်ပါ

အလုပ်ကြောင့် မဟုတ်တဲ့ တစ်ခြား ဖိစီးမှုတွေသာ အရမ်းများနေရင်တော့ သင် လုပ်ရမယ့် အလုပ်ကိုသာ အာရုံစိုက်ပြီး အလုပ်ကိုသာ လုပ်ပါ။ အလုပ်လုပ်ခြင်းက အာရုံမပြန့်စေသလို အလုပ်ကို မြန်မြန်ပြီးမြောက်စေတာကြောင့် သင့်ကို စိတ်ချမ်းသာမှု ရစေနိုင်ပါတယ်။

READ
ဆရာ၊ ဆရာမ အဖြစ် ရပ်တည်သူတွေရဲ့ သူမတူတဲ့ ကောင်းကွက်လေးများ

(၅) အလုပ်ပြောင်းပါ

ဒီအလုပ်က သင့်ကို အချိန်ပြည့် ဖိစီးမှုတွေ ပေးနေပြီး သင် ဆက်လုပ်နေရင် သင့်အတွက် စိတ်ဆင်းရဲစရာတွေသာ ဖြစ်နေမယ်ဆိုရင်တော့ အလုပ်ထွက်ပြီး နောက်ထပ် အဆင်ပြေတဲ့ လုပ်ငန်းခွင်အသစ်ကို ပြောင်းဖို့ ကြိုးစားတာက အဖြေ ဖြစ်ပါတယ်။ ဒီ လုပ်ငန်းခွင်မှာပဲ ဆက်နေတာမျိုးက သင့်ကို ပိုဆိုးတဲ့ အခြေအနေတွေနဲ့ စိတ်ရှုပ်မှုတွေပဲ ရစေမှာပါ။

Kham

 

sponsored