ကလေးတွေ တစ်ဘဝလုံး စိတ်ဒဏ်ရာ ရသွားစေနိုင်တဲ့ မိဘများရဲ့ လုပ်ရပ်များ

bearfotos/Freepik
Sponsored

ကလေးဆိုတဲ့ အရွယ်က နုနယ်လွန်းတဲ့ အဖြူရောင် အဝတ်စလိုပါပဲ။ ကလေးအရွယ်တွေကို သေချာ ပြုစုပျိုးထောင်ရတယ်ဆိုတာကလည်း ဒီအချက်ကြောင့်ပဲ ဖြစ်ပါတယ်။ အစွန်းအထင်းလွယ်တဲ့ ကလေးဘဝမှာ စိတ်ဒဏ်ရာ ရဖို့လည်း ပိုပြီး လွယ်ကူနေပါတယ်။ ကလေးဘဝမှာ ဘယ်လို အခြေအနေတွေက စိတ်ဒဏ်ရာ ရဖို့ ဖြစ်နိုင်ဆုံးလဲဆိုရင်တော့ အနီးကပ်ရှိနေတဲ့ မိဘတွေဆီက လုပ်ရပ်တွေက ပိုပြီး ဖြစ်နိုင်နေပါတယ်။

(၁) ရန်ဖြစ်ခြင်း

Sponsored

မိဘတွေရဲ့ ရန်ဖြစ်ခြင်းကို အမြဲလိုလို မြင်တွေ့ရတဲ့ ကလေးတွေမှာ စိတ်ဒဏ်ရာတွေ ရသွားတတ်ကြပါတယ်။ သူတို့ကို လျစ်လျူရှုမှုနဲ့ အမေနဲ့ အမေက မချစ်ဘူးဆိုတဲ့ အသိတွေ ပေါင်းစုံသွားတဲ့အပြင် ဒီလိုမျိုး အော်ဟစ်နေတာ အဆင်မပြေဖြစ်နေတာက သူတို့ရဲ့ အိမ်က ပျော်စရာ မရှိဘူးဆိုတာကို သဘောပေါက်သွားစေပြီး ကြီးတဲ့အထိ အိမ်ကို မခင်တွယ်တော့တာတွေပါ ဖြစ်စေနိုင်ပါတယ်။ ရန်ဖြစ်တာကိုပဲ ကြည့်နေခဲ့ရတဲ့ ကလေးမှာ ပြဿနာကို ဖြေရှင်းနိုင်စွမ်း မရှိဘဲ ရန်ဖြစ်ဖို့ ဦးတည်တတ်တာမျိုးတွေလည်း ဖြစ်နေတတ်ပါတယ်။

mrzivica/Freepik

(၂) အိမ်တွင်းအကြမ်းဖက်မှု

အိမ်တွင်းအကြမ်းဖက်မှုတွေ ရှိနေတဲ့ အိမ်က ကလေးတွေအတွက် စိတ်ဒဏ်ရာ ကြီးကြီးမားမားရစေတဲ့ အခြေအနေပါပဲ။ အဖေက အမေ့ကို လက်ပါသည် ဖြစ်စေ၊ အမေက အဖေ့ကို လက်ပါသည် ဖြစ်စေ ကလေးက မြင်ရဖန်များလာတဲ့အခါမှာ အကြောက်စိတ်ကြီးလာတတ်ပါတယ်။ ကိုယ့်ကိုပါ မိဘက ရိုက်နှက်တတ်လာရင် တုန့်ပြန်မှု လွန်ကဲတာတွေ ဖြစ်နေတတ်ပါတယ်။ မိဘကို မချစ်တော့ဘဲ ဆန့်ကျင်တာနဲ့ ကြောက်လွန်းလို့ အရိုက်မခံရအောင် နေရင်း နာကျင်မှုကို မသိတော့တာမျိုး အကြမ်းဖက်မှုကို မသိတော့တာမျိုးတွေ ဖြစ်သွားတတ်ပါတယ်။

READ
သင့်ကလေးငယ်ကိုစမတ်ကျကျကြီးပြင်းလာစေချင်ရင် ဒီနည်းလေးတွေနဲ့ပျိုးထောင်ပေးပါ

(၃) ခွဲခြားဆက်ဆံမှု

မိဘတွေက သားနဲ့ သမီး ခွဲခြားတာ၊ အကြီး အငယ် ခွဲခြားဆက်ဆံတာနဲ့ တော်တဲ့သူ ညံ့တဲ့သူဆိုပြီး ခွဲခြားတာမျိုး လုပ်တာတွေက ကလေးတွေအတွက် ဘဝတစ်လျှောက်လုံး နာကျင်စေတဲ့အရာ ဖြစ်စေနိုင်ပါတယ်။ ခွဲခြားခံရမှုကြောင့် ကိုယ့်ကိုယ်ကို မကျေနပ်စိတ်များတာ၊ မောင်နှမချင်း ချစ်စိတ်တွေ လျော့လာတာတွေ ဖြစ်လာတတ်သလို မိဘအပေါ် ရန်လိုမှုတွေပါ ဖြစ်တတ်ပါသေးတယ်။ ဒီအချက်ကြောင့်ပဲ ပြင်ပမှာ ခွဲခြားမှုတွေ တွေ့ရင် လွန်လွန်ကျူကျူး မကျေနပ်ကြောင်း တုန့်ပြန်တာတွေ ပြုလုပ်တတ်ပါတယ်။

bearfotos/Freepik

(၄) အကြောက်တရားဖြင့် အုပ်ချုပ်မှု

သားသမီးဆိုတာ မိဘရဲ့ စကား အခွန်းတိုင်းကို နာခံနေရမယ် လိုက်နာနေရမယ်ဆိုပြီး အုပ်ချုပ်တာမျိုးကလည်း သားသမီးတွေကို စိတ်ဒဏ်ရာ ရစေနိုင်ပါတယ်။ နောက်ဆက်တွဲအနေနဲ့ အမှားအမှန်နဲ့ တရားတာ မတရားတာကို မခွဲခြားတတ်နိုင်တာမျိုးလည်း ဖြစ်နိုင်ပါတယ်။ မိဘရဲ့ အသိအမှတ်ပြုဖို့ ကြိုးစားရာကနေ တစ်ခြား ဖိနှိပ်သူတွေကိုလည်း အပြစ်မမြင်ပဲ ကျိုးနွံတာမျိုးတွေလည်း ရှိလာသလို မိဘကို စွန့်ပစ်ပြီး ထွက်ပြေးချင်စိတ်တွေ ဖြစ်ရင်း ကိုယ့်ကိုယ် မကောင်းတဲ့သူအဖြစ် မြင်မိတာတွေ၊ စိတ်ကျရောဂါတွေပါ ဖြစ်သွားစေနိုင်ပါသေးတယ်။

READ
ကလေးတွေကိုကိုယ့်အားကိုယ်မကိုးတတ်အောင် လုပ်နေမိတဲ့မေမေတို့ရဲ့လုပ်ရပ်များ

(၅) မိဘကို ဆုံးရှုံးရမှု

ကလေးတွေအတွက် မိဘဆိုတာ အတွယ်တာရဆုံးသူ ဖြစ်ပါတယ်။ ကောင်းသည်ဖြစ်စေ၊ ဆိုးသည်ဖြစ်စေ မိဘကို ခင်တွယ်တတ်တဲ့ အရွယ်ဖြစ်ပါတယ်။ ဒီအရွယ်မှာ မိဘဖြစ်သူက မျက်စိရှေ့မှာ ဆုံးပါးသွားတာကို မြင်ရတာမျိုးက တစ်သက်လုံး နာကျင်ရစေနိုင်ပါတယ်။ အရွယ်ရောက်သွားတဲ့အခါမှာ မိဘအပေါ် တာဝန်မကျေနိုင်သလို ခံစားရနိုင်သလို၊ အပြစ်ရှိသလို ခံစားရတာမျိုးတွေအပြင် တစ်ခြားသော ပတ်ဝန်းကျင်ရဲ့ မိဘတွေအပေါ် ပြစ်တင်ခြင်းတွေကို နားထောင်ရမှုကြောင့် နာကျင်မှု ပိုဆိုးတတ်ပါတယ်။

မိဘတွေအနေနဲ့ စိတ်ခံစားချက်တွေကို သေချာထိန်းညှိနိုင်ဖို့ လိုအပ်ပြီး ကလေးတွေအပေါ် ထိခိုက်မှု ဖြစ်မှာတွေကို ဆင်ခြင်သင့်ပါတယ်နော်။

Kham

sponsored