အိမ်ထောင်ပြုဖို့အတွက် ချစ်သူတွေ ကြိုတင် ပြင်ဆင်ထားရမယ့် အရာများ

prostooleh/Freepik
Sponsored

ချစ်သူတွေရဲ့ အိပ်မက်တစ်ခုက နှစ်ကိုယ်တူ ဘဝခရီးကို အတူဖြတ်သန်းကြဖို့ ဖြစ်ပါတယ်။ ဘဝခရီးလမ်းကို ဖြတ်သန်းတယ်ဆိုတာ အပြောလွယ်ပေမဲ့ လက်တွေ့မှာ ခက်လှပါတယ်။ ဘဝခရီးလမ်းကို အတူဖြတ်သန်းဖို့ ရည်ရွယ်ထားပြီးရင်တော့ အိမ်ထောင်မပြုခင်မှာ ဒါတွေ ပြင်ဆင်ထားဖို့ လိုပါလိမ့်မယ်။

နံပါတ် (၁) ငွေကြေး

Sponsored

လက်ထပ်ဖို့ စဉ်းစားတာနဲ့ မဖြစ်မနေ အရင်ဆုံး ပြုလုပ်ရမှာက ငွေကြေး စုဆောင်းဖို့ပဲ ဖြစ်ပါတယ်။ အနည်းဆုံး တရားရုံးမှာ လက်ထပ်ထိုးတာကနေ ဆွမ်းကျွေးတာပဲ လုပ်ရင်တောင် ငွေကုန်ကြေးကျ ရှိတာမို့ ငွေစုဖို့ကို လုပ်ရမှာ ဖြစ်ပါတယ်။

pressfoto/Freepik

နံပါတ် (၂) အစီအစဉ်

ဘာအစီအစဉ်မှ မရှိဘဲ အိမ်ထောင်ပြုဖို့ဆိုတာ အတော် စွန့်စားရဲတဲ့ အလုပ်တစ်ခု ဖြစ်ပါတယ်။ အိမ်ထောင်ပြုဖို့ဆိုရင် ဘယ်မှာ လက်မှတ်ထိုးမယ် ဘယ်လောက်ကုန်မယ် ဆိုတာတွေအပြင် အိမ်ငှားဖို့ အိမ်ဝယ်ဖို့အပြင် လက်ထပ်တဲ့အခမ်းအနား ကုန်ကျစရိတ် စတဲ့ အစီအစဉ်တွေ ဆွဲထားတာက ငွေစုဖို့အတွက် ပိုပြီး တွက်ချက်ပေးနိုင်ပါတယ်။

READ
ညားခါစ စုံတွဲအသစ်စက်စက်လေးလိုပဲ အိမ်ထောင်ရေးပြန်လည်သာယာစေမယ့်နည်းလမ်းများ

နံပါတ် (၃) နေစရာ အိမ်

လက်ထပ်ဖို့ဆို လက်ထပ်တဲ့အခါ မိဘတွေနဲ့ နေမလား။ အိမ်ခွဲနေမလား တွေးဖို့ လိုပါတယ်။ မိဘတွေနဲ့ နေရင်လည်း အိမ်စရိတ်ကို ဘယ်လို ထည့်မယ်ဆိုတာ တွေးရမယ့်အပြင် အတူတွဲနေရင် အဆင်ပြေ မပြေပါ ကြည့်ဖို့ လိုပါတယ်။ အိမ်ခွဲနေမယ်ဆိုရင် အိမ်ငှားခစရိတ်ကိုပါ စုဆောင်းထားရမှာပါနော်။

sitthiphong/Freepik

နံပါတ် (၄) မိဘတွေ အတွက်

ကိုယ်က အိမ်ထောင်ပြုလိုက်တာနဲ့ မိသားစုကနေ ခွဲထွက်လိုက်သလို ဖြစ်သွားတတ်ပါတယ်။ ဒါပေမယ့် ကိုယ့်အပေါ် အမှီပြုပြီး ရပ်တည်ရတဲ့ မိဘတွေဆိုရင် ကိုယ့်ဘက်က မိဘတွေကို ဘယ်လိုပုံစံ ပံ့ပိုးမယ်ဆိုတာကိုပါ ထည့်စဉ်းစားရမှာပါ။ ဒီမဟုတ်ရင်တောင်မှ မိဘတွေနဲ့ အနေဝေးတာ မဖြစ်ရအောင်နဲ့ မိဘတွေ အထီးမကျန်ဖို့ ထည့်တွေးဖို့ လိုပါလိမ့်မယ်။

READ
လက်ထပ်ဖို့ ရည်ရွယ်ထားတဲ့သူရှိရင် ကြိုတင်တိုင်ပင် သိရှိထားရမယ့် အချက်များ

နံပါတ် (၅) ကလေးယူမယ့် အစီအစဉ်

ဒါကတော့ အိမ်ထောင်ရှင် ကြုံရတဲ့ အခြေအနေ တစ်ခုပါပဲ။ ကလေးယူဖို့ တွေးထားရင်တော့ စိုးရိမ်စရာ မရှိပေမယ့် ငွေကြေးကြောင့်နဲ့ တခြားသော အခြေအနေတွေကြောင့် ကလေးယူဖို့ စိတ်ကူးမရှိသေးရင် သားဆက်ခြားဖို့ ဆေးရုံ၊ ဆေးခန်းမှာ တိုင်ပင် ပြုလုပ်ထားရမှာပါ။

အားလုံးပဲ ပျော်ရွှင်စရာ မိသားစုတွေ ပိုင်ဆိုင်ကြပါစေနော်။

Kham

sponsored