ပိတ်ရက်မှာ အပြင်မထွက်ဘဲ အိမ်မှာပဲ အိပ်နေသင့်တဲ့ အကြောင်းအရင်း (၄)ချက်

bruce mars/pexels photos
Sponsored

ကြားရက်တွေမှာ နေ့ခင်းဘက်အလုပ်သွား၊ ညဘက်တွေမှာလည်း စောစောမအိပ်တတ်တဲ့သူတွေဟာ ပိတ်ရက်ရောက်မှ အတိုးချအိပ်ပြီး အနားယူတတ်ပါတယ်။ အဲ့ဒီလို ပိတ်ရက်ကျမှ အတိုးချအိပ်တာက ကျန်းမာရေးကို ထိခိုက်စေတယ်၊ ခန္ဓာကိုယ်အတွက် ဆိုးကျိုးတွေကို ဖြစ်စေတယ်လို့ ပြောခဲ့ကြပေမယ့် တကယ်တမ်းမှာတော့ ကောင်းမွန်တဲ့ အကျိုးဆက်တွေကို ဖြစ်စေတယ်ဆိုတာ လေ့လာတွေ့ရှိမှုအချို့အရ သိရပါတယ်။ ပိတ်ရက်တွေမှာ အချိန်ကြာကြာ အိပ်စက်အနားယူသင့်တဲ့အခါ ဒီလို အကျိုးဆက်တွေရလာပါလိမ့်မယ်။

(၁) နာတာရှည်အိပ်မပျော်ရောဂါမဖြစ်အောင် ထိန်းညှိပေးတယ်

Tess Emily Seymour/pexels photos

ပိတ်ရက်မှာ ကောင်းကောင်းအိပ်ပြီး အနားယူတာက လုံးဝမအိပ်ဘဲ နေတာထက် ပိုကောင်းပါတယ်။ အဲ့ဒီလို အိပ်နိုင်သေးတယ်ဆိုတာ နာတာရှည်အိပ်မပျော်ရောဂါမဖြစ်သေးဘူး၊ ခန္ဓာကိုယ်က ပုံမှန်လည်ပတ်နေသေးတယ်ဆိုတဲ့ အဓိပ္ပာယ်ပါ။ သင့်အနေနဲ့ ကြားရက်တွေမှာလည်း အိပ်ချိန်အရမ်းနည်းပြီး ပိတ်ရက်မှာပါ အိပ်မပျော်တော့ဘူး၊ အိပ်လို့မရတော့ဘူး ဆိုမှသာ ကျန်းမာရေးအတွက် စိုးရိမ်စရာအခြေအနေလို့ မှတ်ယူရမှာပါ။

(၂) စိတ်ဖိစီးမှုဖြစ်စေတဲ့ဟော်မုန်းကိုလျှော့ချပေးတယ်

Sponsored

ပိတ်ရက်မှာ အိပ်စက်အနားယူတဲ့အခါ စိတ်ဖိစီးမှုကိုဖြစ်စေတဲ့ cortisol hormone ထွက်တာကို တားဆီးပေးတာကြောင့် စိတ်ဖိစီးမှုကိုလျှော့ချပေးနိုင်ပါတယ်။ တစ်ပတ်လုံး စိတ်ပင်ပန်းခဲ့သမျှကို သက်သာစေနိုင်ပါတယ်။

READ
တစ်နေ့ကို (၈) ကြိမ်ထက်မနည်း ပွေ့ဖက်သင့်သည့် အကြောင်းရင်း (၇) ခု

(၃) ကူးစက်ရောဂါဖြစ်နိုင်ချေကိုလျှော့ချပေးတယ်

AstroStar/Shutterstock

အားလပ်ရက်မှာ လုံလုံလောက်လောက် အိပ်လိုက်တဲ့အခါ ကိုယ်ခံအားကို ပြည့်ဝစေတာကြောင့် ကူးစက်ရောဂါတွေ လွယယ်လွယ်နဲ့ မဖြစ်အောင် တားဆီးပေးနိုင်ပါတယ်။ အပြင်မထွက်ဖြစ်တာကလည်း ကူးစက်ရောဂါဖြစ်နိုင်ချေကို လျှော့ချပြီးသားဖြစ်စေတာပါပဲ။

(၄) အကုန်အကျသက်သာစေတယ်

ပိတ်ရက်မှာ ကောင်းကောင်းအိပ်ပြီး အနားယူတဲ့အခါ ရလာမယ့် အကျိုးဆက်တွေထဲမှာ အပြင်မထွက်ဖြစ်တာကြောင့် အကုန်အကျသက်သာတာလည်း တစ်ခုအပါအဝင်ပါပဲ။ အပြင်ထွက်တာနဲ့ ပိုက်ဆံထွက်တဲ့အချိန်မှာ အိမ်မှာပဲ အိပ်နေတာက အကုန်အကျအများကြီးသက်သာစေပြီး လူပင်ပန်းတာလည်း သက်သာပါတယ်။

MAY THAZINHTOO

sponsored