ယောင်္ကျားလေးတွေကို ယုံကြည်မှု အပြည့်အ၀ မပေးသင့်တဲ့ အကြောင်းအရင်းများ

Photo by gustavo fring from Pexels
Sponsored

ဘယ်လိုပဲ ခေတ်မီ တိုးတက်တဲ့ ခေတ်ကြီး ဖြစ်ပါစေ၊ မိန်းကလေးတွေထက် ယောင်္ကျားလေးတွေက ပိုပြီး အခွင့်အရေးတွေ ရနေတာမျိုးနဲ့ အားသာမှု ရှိနေတာမျိုး ရှိနေဆဲပါပဲ။ ချစ်သူထားတဲ့ မိန်းကလေးတွေအဖို့ ကောင်လေးတွေကို ချစ်တဲ့စိတ်နဲ့ ယုံကြည်မှုကို အပြည့်အဝ မပေးသင့်တဲ့ အကြောင်းအရင်းတွေ ရှိနေပြီး ကိုယ်က မိန်းကလေးဆိုတဲ့ အသိကို ဒီအချက်တွေကြောင့် အမြဲ တွေးထားဖို့ လိုအပ်ပါတယ်။

၁။ လူကောင်းချည်းပဲ ရှိမနေဘူး

Sponsored

ကိုယ်က ချစ်မိသွားလို့ ကိုယ် ချစ်တဲ့သူက လူကောင်းပါလို့ လွယ်လွယ် ပြောလို့ မရပါဘူး။ ငယ်ငယ်တည်းက သိလာတဲ့ သူတွေဆိုရင် ပြောလို့ ရပေမယ့် သူစိမ်းနှစ်ယောက်က ရင်းနှီးရာကနေ ခံစားမှုတွေဖြစ် ချစ်မိသွားတာမျိုးကိုတော့ ကိုယ့်ဘက်ကပဲ ချစ်တယ်လို့ အာမခံလို့ ရပါလိမ့်မယ်။ သူက ကိုယ့်ကို ချစ်ပါတယ်ဆိုပြီး အပြုအမူတွေနဲ့ အပြောကိုပဲ ကြည့်ပြီး ယုံလို့ မဖြစ်ပါဘူး။ အပြောကောင်းသူတွေ ရှိနေသလို သင့်ဆီကို ခဏတာ ပျော်ရွှင်ဖို့နဲ့ လိင်ကိစ္စသက်သက်အတွက် ချဉ်းကပ်လာသူတွေ ရှိနေတတ်လို့ အပြည့် မယုံတာ ပိုကောင်းပါတယ်။

Photo by Maddog 229 from Pexels

၂။ စိတ်ဆိုတာ တသမတ်တည်း မရှိဘူး

စိတ်ဆိုတာ အင်မတန် ဆန်းကြယ်ပါတယ်။ ကိုယ့်ကို ချစ်နေတယ် ဆိုပေမယ့် နောက်တစ်ပတ်လောက်မှာ သူ တကယ်ချစ်တဲ့သူကို တွေ့လိုက်ရတာမျိုးလည်း ရှိနေတတ်ပါတယ်။ သစ္စာဖောက်တယ်လို့ လူမှုစည်းမျဉ်းအရ ပြောကြမှာ ဆိုပေမယ့် သူ့အတွက်တော့ သင့်ကို ချစ်ပြီးမှ နောက်ထပ် ထပ်ပြီး ချစ်မိသွားတဲ့သူ ထပ်ပေါ်လာတာမျိုးပါပဲ။ ဒါကြောင့် လုံးဝ ယုံကြည်မှု မပေးတာက မျှော်လင့်သလို ဖြစ်မလာတဲ့အခါ နာကျင်မှုတွေကို သက်သာစေပါလိမ့်မယ်။

READ
မျက်နှာပေါ်ကအရေးအကြောင်းတွေပျောက်စေမယ့် ဦးခေါင်းနှိပ်နယ်နည်း (၄) မျိုး
Photo by Mental Health America (MHA) from Pexels

၃။ အရင်ဆုံး ရင်ဆိုင်ရမှာ ကိုယ်ပဲ

ဒီနေ့ခေတ် ချစ်သူရည်းစားတွေမှာတော့ အတူနေတဲ့ ကိစ္စတွေပါ ပြောဆိုလာကြတာ ရှိပါတယ်။ ကောင်လေးတွေကတော့ တောင်းဆိုတာ လွယ်ပေမယ့် ကိုယ့်ဘက် စဉ်းစားဖို့ လိုပါလိမ့်မယ်။ ဘယ်လောက်ပဲ အပြောကောင်းကောင်း အတူနေပြီးသွားရင် ဘယ်လို ပုံစံ ပြောင်းလဲသွားမလဲဆိုတာ မသိနိုင်ပါဘူး။ ဒါ့အပြင် မတော်တဆ ကိုယ်ဝန်ရှိသွားပြီဆိုရင် လူမှုရေးအရရော၊ ကျန်းမာရေးအရပါ ကိုယ်ပဲ အရင်ဆုံး ထိခိုက်ရင်ဆိုင်ရမှာ ဖြစ်ပါတယ်။ ဒါကြောင့် ယုံကြည်မှုနဲ့ အတူနေတာမျိုးကို မလိုက်လျောလိုက်ဖို့လည်း လိုအပ်နေပါတယ်။

Photo by Andrea Piacquadio from Pexels

၎။ နောင်တတွေနဲ့ မရှင်သန်ချင်ပါနဲ့

ကိုယ့်ရဲ့ လုပ်ရပ်တွေ၊ ဆုံးဖြတ်မှုတွေကို နောင်အချိန်မှာ ပြန်တွေးမိပြီး နောင်တရနေစေမှာမျိုးထက် အခုတည်းက နောင်ကျ နောင်တရနိုင်တယ်လို့ တွေးမိရင် အဲ့အလုပ်ကို မလုပ်တာ အကောင်းဆုံးပါပဲ။ ကိုယ့်အပေါ် ဆိုးလွန်းတဲ့သူကိုမှ အတင်းဖက်တွယ်တာကလည်း ကိုယ်ပဲ ပျက်စီးမှာပါ၊ မယုံကြည်ဘူးလို့ ထင်မှာစိုးလို့ အတူနေဖို့ လိုက်လျောတာကလည်း ကိုယ်က ကိုယ်ဝန်မရှိသွားရင်တောင် ကိုယ့်ကိုယ်ကို ငါက ဒီလိုကောင်မျိုးကို လိုက်လျောမိတယ်ဆိုတဲ့ မကျေနပ်စိတ်နဲ့ ပူလောင်မှု ခံစားရတတ်ပါတယ်။ ဒါကြောင့် ချစ်သူ ဖြစ်တိုင်း လုံးဝ ယတိပြတ် မယုံလိုက်ဖို့က သိပ်ကို အရေးကြီးတာပါ။

READ
ှဆီးကျင်တတ်သူတိုင်း သိထားသင့်တဲ့ အိမ်တွင်းနည်းလမ်းကောင်း (၅) ခု
Photo by TOPHEE MARQUEZ from Pexels

၅။ အချိန်တွေက သက်သေပဲ

ကိုယ့်ချစ်သူကို ကိုယ်က မယုံလို့ သူ့ဘက်က စိတ်မကောင်းဖြစ်ပြီး ပြတ်စဲသွားရင် ဘယ်လို လုပ်မလဲလို့ တစ်ချို့ တွေးကြပါလိမ့်မယ်။ ယုံကြည်မှုမှာ နှစ်မျိုး ရှိပါတယ်။ ကိုယ့်ခံစားချက်သက်သက်နဲ့ ယုံမိတာမျိုးနဲ့ အပြန်အလှန် ယုံကြည်မှု တည်ဆောက်ထားပြီး အသွေးအသားထဲက ယုံကြတာမျိုးပါ။ ဒီလို ဖြစ်ဖို့ဆိုရင် တစ်ယောက်နဲ့ တစ်ယောက် အလိုလို ယုံကြည်မှု ပေးကို ပေးရမယ်ဆိုတာမျိုးထက် အချိန်တွေအများကြီး အတူ ဖြတ်သန်းကြရင်း တစ်ယောက်နဲ့ တစ်ယောက် ဘယ်လိုလူမျိုးဆိုတာကို နားလည်လာပြီး ယုံကြည်မှု ရှိလာကြတဲ့ အချိန်တွေက အကောင်းဆုံးပါပဲ။ အဲ့မတိုင်ခင် ပြတ်စဲသွားရင်တော့ ကိုယ့်လက်တွဲဖော်အစစ် မဟုတ်ဘူးလို့ပဲ ယူဆလိုက်သင့်ပါတယ်။

Kham

sponsored