ပျိုမေတို့သိထားသင့်တဲ့ ပိုက်ဆံအိတ်နဲ့ပတ်သတ်တဲ့ အယူအဆ(၇)မျိုး

shutterstock/Peakstock
Sponsored

မိန်းကလေးတွေရဲ့ မရှိမဖြစ်အသုံးအဆောင်တွေထဲမှာ ပိုက်ဆံအိတ်ကလည်း တစ်ခုအပါအဝင်ဖြစ်ပါတယ်။ ပိုက်ဆံအိတ်ကို သေချာရွေးချယ်ဝယ်ယူပြီး တန်ဖိုးထားကိုင်တက်မှ ပျိုမေတို့ရဲ့ပိုက်ဆံအိတ်ထဲကို ပိုက်ဆံတွေဝင်လာမှာဖြစ်ပြီး ဂရုမစိုက်တက်ရင်တော့ ပိုက်ဆံတွေက အကြောင်းပြချက်မရှိပဲ ပိုက်ဆံအိတ်ထဲက ထွက်သွားတာမျိုးကို ကြုံရမှာပါ။ ဒါကြောင့် ပျိုမေတို့ကို ပိုက်ဆံအိတ်နဲ့ပတ်သတ်တဲ့ အယူအဆလေးတစ်ချို့ကို ပြောပြပေးလိုက်ချင်ပါတယ်။

(၁) မှန်ကန်တဲ့အရောင်ကို ရွေးချယ်ဝယ်ယူတက်ပါစေ

shutterstock/Creative Lab
Sponsored

ပိုက်ဆံအိတ်ရွေးချယ်ဝယ်ယူတဲ့နေရာမှာ မှန်ကန်တဲ့အရောင်ကို ရွေးချယ်ဝယ်ယူတက်ပါစေ။ အဝါရောင်ကတော့ ပျိုမေတို့ကို ပိုက်ဆံတွေဝင်အောင် ဆောင်ကျဉ်းပေးတဲ့အရောင်ဖြစ်လို့ အရောင်တွေအားလုံးထဲမှာ အသင့်တော်ဆုံးအရောင်ပါ။ တစ်ခြားအရောင်တွေဖြစ်တဲ့ အနက်ရောင်ကတော့ စီးပွားရေးတိုးတက်ပြောင်းလဲချင်အောင် လုပ်ဆောင်ပေးတက်ပြီး အညှိရောင်ကတော့ ပိုက်ဆံတွေကို စုဆောင်းမိစေတက်ပါတယ်။ အချစ်ရေးအဆင်ပြေစေချင်ပြီး ချစ်သူရဲ့အချစ်တွေပိုတိုးပွားစေချင်ရင်တော့ ခရမ်းရောင်နဲ့ပန်းရောင်ကို အသုံးပြုသင့်ပေမယ့် စီးပွားရေးလာဘ်လာဘတွေ တိုးပွားစေချင်ရင်တော့ အဲဒီအရောင်တွေကို မသုံးသင့်ပါဘူး။ အနီရောင်နဲ့အပြာရောင်ကတော့ လုံးဝမသုံးသင့်တဲ့ အရောင်တွေထဲမှာပါဝင်ပြီး သူတို့ကိုအသုံးပြုမိရင်တော့ ပျိုမေတို့ကို ငွေကုန်ကြေးကျ များစေတက်ပါတယ်။

(၂) ခေါက်အိတ်တွေကို အသုံးမပြုပါနဲ့

READ
ဆံပင်ပါးသူတွေအတွက် ကြက်ဆူဆီအပါအဝင် ဆံသားအလိုက်အရွေးသင့်ဆုံးဆီများ
shutterstock/Sarath maroli

ခေါက်အိတ်တွေကို အသုံးမပြုပါနဲ့။ ဆိုလိုတာက ပိုက်ဆံတွေကို ခေါက်ပြီးထည့်ရတဲ့ ပိုက်ဆံအိတ်မျိုးပေါ့။ ဒီလိုအိတ်မျိုးတွေက ငွေဝင်စေမယ့် အလေားအလာတွေကို ဖြတ်ဆီးပေးတက်တဲ့ အယူရှိတက်ကြပါတယ်။ ဒါကြောင့် ပိုက်ဆံအိတ်ရွေးချယ်ဝယ်ယူပြီး အသုံးပြုတဲ့နေရာမှာ ပိုက်ဆံတွေကို ခေါက်ပြီး ထည့်ရတဲ့အိတ်မျိုးကို ရှောင်ကျဉ်ပြီး ပိုက်ဆံတွေကို ဖြန့်ပြီးထည့်လို့ရနိုင်မယ့် ပိုက်ဆံအိတ်မျိုးသာ ရွေးချယ်ဝယ်ယူဖို့ အကြံပေးချင်ပါတယ်။

(၃) အရွယ်အစားကို ဂရုစိုက်ပါ

shutterstock/HighKey

ပိုက်ဆံအိတ် ရွေးချယ်ဝယ်ယူပြီး အသုံးပြုတဲ့နေရာမှာ အရွယ်အစားကို သတိထားသင့်ပါတယ်။ သေးငယ်တဲ့အရွယ်အစားတွေထက် အရွယ်အစားကြီးကြီးနဲ့ အကန့်တွေအများကြီးပါတဲ့အိတ်မျိုးကို ရွေးချယ်ဝယ်ယူသင့်ပါတယ်။ အကန့်များများပါပြီး အရွယ်အစားကြီးတော့ ပိုက်ဆံတွေများများဝင်စေတဲ့ သဘောကိုဆောင်လို့ဖြစ်ပါတယ်။

(၄) ပိုက်ဆံအိတ်ထဲမှာ ရှုပ်ပွမနေပါစေနဲ့

shutterstock/HighKey

ပျိုမေအများစုက ပိုက်ဆံအိတ်ထဲမှာ ထွေရာလေးပါး ထည့်တက်ကြပါတယ်။ အဲဒီလိုမျိုးမလုပ်သင့်ပဲ ပိုက်ဆံအိတ်ထဲက အသုံးမဝင်တဲ့အရာတွေကို ရှင်းထုတ်ပြီး ပိုက်ဆံအိတ်လေးကို သန့်သန့်ရှင်းရှင်းနဲ့ သပ်သပ်ရပ်ရပ်ထားပါ။ ပိုက်ဆံအိတ်ထဲမှာ ပိုက်ဆံတွေသာ ရှိနေသင့်ပြီး အမှိုက်တွေ၊ အကြွေးဝယ်ကတ်တွေ၊ ဘောက်ခါတွေနဲ့ ဘေလ်စာရွက်တွေကို မထည့်ထားသင့်ပါဘူးနော်။

(၅) ပိုက်ဆံအိတ်ကို ရိုသေပါ

READ
နွေရာသီမှာ ဆံပင်အလှမပျက်စေဖို့ မှန်ကန်တဲ့နည်းလမ်း (၅) သွယ်

ပိုက်ဆံအိတ်ကို တွေ့ရာနေရာမှာ ပစ်ချမထားသင့်ပဲ ပိုက်ဆံအိတ်ကို ရိုရိုသေသေ နေရာတစ်ကျ ထားတက်ဖို့ လိုအပ်ပါတယ်နော်။

(၆) ပိုက်ဆံအိတ် အသစ်လဲကိုင်ပါ

ပိုက်ဆံအိတ်ဆိုတာ ပိုက်ဆံတွေသိမ်းဆည်းရတဲ့ အရာတစ်ခုဖြစ်ပါတယ်။ ဒါကြောင့် စီးပွားလာဘ်လာဘတွေ တိုးတက်ပြီး ပိုက်ဆံဝင်ချင်ရင်တော့ ပိုက်ဆံအိတ်ကဟောင်းနွမ်းမနေသင့်ပဲ ဆွဲဆောင်မှုရှိရှိလေး ဖြစ်နေသင့်ပါတယ်။ ဒါကြောင့် ပိုက်ဆံအိတ်အဟောင်းတွေကို ဆက်မကိုင်သင့်ပဲ အသစ်ရွေးချယ်ဝယ်ယူပြီး ကိုင်ဖို့အကြံပေးချင်ပါတယ်။

(၇) အဆောင်လေးတွေ ထည့်ထားပါ

ပိုက်ဆံအိတ်ထဲကို ပိုက်ဆံဝင်စေမယ့် အဆောင်လေးတွေ ထည့်ထားသင့်ပါတယ်။ ကျောက်မြတ်ရတနာတစ်ခုခုကို အိတ်ထဲဆောင်ထားရင် ငွေဝင်စေပါတယ်။ ဒါကြောင့် ကျောက်မြတ်ရတနာ တစ်ခုခု (သို့မဟုတ်) အဆောင်တစ်ခုခုကို ပိုက်ဆံအိတ်ထဲမှာ ဆောင်ထားသင့်ပါတယ်။

ET

sponsored