အတွင်းစိတ်ပုတ်သူတွေမှာ အများဆုံး တွေ့ရတတ်တဲ့ လက္ခဏာရပ်လေးများ

cookie_studio/Freepik
Sponsored

လူတစ်ယောက်ရဲ့ စိတ်ထားကို ကြည့်ရုံနဲ့ မသိနိုင်ပါဘူး။ အပြင်မှာ လူတွေနဲ့ ဆက်ဆံနေတဲ့ ပုံစံကို ကြည့်ပြီး အတွင်းစိတ်ကို သိအောင် လုပ်လို့ မရနိုင်ပါဘူး။ အတွင်းစိတ် ပုတ်ပြီး စိတ်ထားကောင်းတဲ့သူပုံစံမျိုး ဟန်ဆောင်ထားတတ်တဲ့သူတွေလည်း ရှိနေတတ်ပါတယ်။ ဘယ်လိုပဲ ဖြစ်ပါစေ အတွင်းစိတ်ပုတ်နေတဲ့သူ ဟုတ်၊ မဟုတ်ကို ခွဲခြားလို့ ရတဲ့ အချက်လေးတွေ ရှိနေပါသေးတယ်။ ဒါတွေကတော့ အခုလိုပါနော်…။

(၁) ပူလောင်တတ်တယ်

Sponsored

အတွင်းစိတ် ပုတ်တဲ့သူတွေမှာ ရှိနေတဲ့ အချက်က ပူလောင်မှုပါပဲ။ သူတို့တွေက တခြားသူတွေ သူတို့ထက်သာတာမျိုးကို သဘောမကျသလို တခြားသူတွေကို အကောင်းမြင်ပေးတာမျိုးလည်း မလုပ်နိုင်ကြပါဘူး။ ဒီအတွက် သူတို့ဆီမှာ တခြားသူတွေကို မကျေနပ်တဲ့ အကြောင်းမျိုးတွေ ကြားရတတ်ပါတယ်။ ဒါ့အပြင် သူတို့ရဲ့ မကျေမနပ် ပူလောင်မှုကိုလည်း တခြားသူတွေကို အထင်သေးတဲ့ စကားတွေအဖြစ် သူတို့ဆီက ကြားရတတ်ပါတယ်။

READ
Introvert တွေက တစ်ခြားသူတွေထက် ပိုဆွဲဆောင်မှု ရှိနေရခြင်း အကြောင်းအရင်း
wayhomestudio/Freepik

(၂) ဟန်ဆောင်ကောင်းတယ်

အတွင်းစိတ်ပုတ်တဲ့သူ အများစုကတော့ သူတို့ စိတ်ထားအမှန်ကို အမြဲ လူတွေကို ထုတ်ပြလေ့ မရှိပါဘူး။ လူအများစုက စိတ်ထားကောင်းတဲ့သူမျိုးကိုသာ သဘောကျတာမို့ သူတို့က သူတို့ကိုယ်သူတို့ ကောင်းတဲ့သူတွေအဖြစ် ပုံဖော်ထားလေ့ ရှိပါတယ်။ ဒါကြောင့် သူတို့က တစ်ဖက်မှာ မကောင်းကြောင်း ပြောနေပေမယ့် လူရှေ့မှာဆို သူတို့ မဟုတ်သလို ပြန်ချိုသာသွားတာကို တွေ့ရမှာ ဖြစ်ပါတယ်။

Photo by Sam Lion from Pexels

(၃) ကူညီဖို့ ဝန်လေးတယ်

သူတို့လို အတွင်းစိတ်ပုတ်နေတဲ့သူတွေကတော့ တခြားသူတွေကို ကူညီဖို့ဆိုတာ တကယ် ခက်ခဲတဲ့ အလုပ်အဖြစ် ခံစားကြရတာ ဖြစ်ပါတယ်။ ဒါကြောင့် ကိုယ့်ထက် အဆင်မပြေသူတွေကို ကူညီဖို့ တစ်ယောက်ယောက်ကို အဆင်ပြေသွားအောင် လုပ်ပေးဖို့ ဆိုတာတွေကို သူတို့က ကိုယ့်ကိစ္စမှ မဟုတ်တာဆိုတဲ့ အချက်နဲ့ ရှောင်လွှဲတတ်ကြပါတယ်။

READ
အတွင်းပုတ်၊စိတ်ယုတ်ရှိတဲ့သူတွေက ကံမကောင်းတတ်ကြပါဘူး ...
benzoix/Freepik

(၄) အတင်းပြောလွန်းတယ်

အတွင်းစိတ် ပုတ်သူတွေက အမြဲလိုလို အတင်းမပြောပေမယ့် သူတို့ဆီကနေ မကောင်းသတင်းဆိုတာမျိုးပဲ ကြားရတတ်ပါတယ်။ တခြားသူတွေ အဆင်ပြေတာမျိုးကို မရှုစိမ့်နိုင်တဲ့ စိတ်ကြောင့် တခြားသူတွေ ခက်ခဲတယ်ဆိုတာတွေနဲ့ မကောင်းသတင်းတွေကိုသာ အတင်းလုပ်ပြောတတ်ကြပါတယ်။ တစ်ယောက်ရဲ့ မကောင်းကြောင်းကို နောက်တစ်ယောက်ကို သိစေတာမျိုးက သူတို့ရဲ့ ထူးခြားတဲ့ အကျင့်တစ်ခု ဖြစ်ပါတယ်။

bilahata/Freepik

(၅) လိမ်ညာတယ်

သူတို့က လူရှေ့မှာ လူကောင်းအဖြစ်ပဲ နေတတ်ကြပါတယ်။ ဒါမှမဟုတ်ရင် သူတို့က စိတ်ထားမကောင်းတာ မဟုတ်ဘဲ ပွင့်ပွင့်လင်းလင်း ရှိတာဆိုတာမျိုးဆိုတဲ့ ပုံစံကို ပုံဖော်ထားတတ်ကြပါတယ်။ သူတို့က မကောင်းပြောလိုက်လို့ တခြားသူတွေကြားမှာ ပြန်ပေါ်သွားရင် ဘယ်မှာ ငါ  အဲ့လို ပြောဖူးလို့လဲဆိုတဲ့ စကားမျိုးနဲ့ ပြန်လိမ်ညာတတ်ပါတယ်။ သူတို့က သူတို့မကောင်းကြောင်းပြောရင် အမြဲ ညာပြီး ကောင်းချင်ယောင်လည်း ဆောင်နေတတ်ကြတာ ဖြစ်ပါတယ်။

Kham

sponsored