ကဗျာဆရာလှသန်းရဲ့ နာမည်ကြီး ကဗျာစာကြောင်းတစ်ကြောင်း ရှိပါတယ်။ ကိုယ့်သွေးအမျိုးအစား ကိုယ်သိဖို့လိုတယ်တဲ့။ ဒါကတော့ သွေးအမျိုးအစားကနေ ကိုယ့်ရဲ့ အကြောင်းတွေကို သေချာ သိနိုင်တယ်ဆိုတဲ့ သဘောပါပဲ။ ကိုယ့်ရဲ့ သွေးအမျိုးအစားရဲ့ အကြောင်းအပြင် ဒီသွေးအမျိုးအစား ပိုင်ရှင်တွေမှာ ရှိနေတတ်တဲ့ လက္ခဏာရပ်တွေကို သိထားရင်တော့ ပိုပြီးကောင်းပါတယ်။ ဒါကြောင့် အိုသွေးအုပ်စုပိုင်ရှင်တွေမှာသာ ရှိတဲ့ လက္ခဏာတွေကို ပြောပြလိုက်ရပါတယ်နော်။
(၁) အိုသွေးအုပ်စုက အခြားသွေးအုပ်စုတွေအတွက် သွေးလှူလို့ရတယ်
ဒါကတော့ အိုသွေးအုပ်စုပိုင်ရှင်တွေ ပိုင်ဆိုင်ထားတဲ့ အထူးခြားဆုံးလက္ခဏာပဲ ဖြစ်ပါတယ်။ သွေးကနေတဆင့် ကုသိုလ်ယူဖို့ သဘာဝတရားက ပေးလိုက်တဲ့ လက်ဆောင်လို့တောင် ပြောလို့ရပါတယ်။ positive သွေးအုပ်စုပိုင်ရှင်ကိုမဆို အိုသွေးအုပ်စုပိုင်ရှင်တွေက သွေးကနေတဆင့် ကုသိုလ်ပြုလို့ရပါတယ်။ ဒါပေမယ့် သူ့တို့ကိုယ်တိုင်အတွက်ကျတော့ သွေးအုပ်စုတူတာကိုပဲ အသုံးပြုလို့ရပါတယ်။ ဒါလေးကတော့ အိုသွေးအုပ်စုပိုင်ရှင်တွေမှာ ရှိနေတဲ့ အားနည်းချက်လေးပဲပေါ့နော်။
(၂) ရည်မှန်းချက်ကြီးကြတယ်
အိုသွေးအုပ်စုပိုင်ရှင်တွေဟာ ဆုံးဖြတ်ချက် ပြတ်သားပြီး သူ့တို့မှာ ရှိတဲ့အားအကုန်သုံးပြီး လိုချင်တာရအောင် ယူတတ်ကြတဲ့ ရည်မှန်းချက်ကြီးကြသူတွေပဲ ဖြစ်ပါတယ်။ သူတို့ ဘာကို စွမ်းနိုင်တယ်၊ သူတို့လိုချင်တာကို ရအောင်ယူနိုင်တယ်လို့ သူတို့ကိုသူတို့ ယုံကြည်ကြသူတွေဖြစ်တာကြောင့် အောင်မြင်ကြသူတွေလည်း ဖြစ်ကြပါတယ်။ အသေးအဖွဲကိစ္စလေးတွေလောက်နဲ့ သူတို့က ရင်မခုန်တတ်ကြပါဘူး။ အကြီးကြီးတွေး၊ အကြီးကြီးလုပ်ကိုင်ကြသူတွေကိုး။
(၃) အလိုက်သင့်နေထိုင်တတ်သူတွေ ဖြစ်ကြတယ်
နေရာဒေသအလိုက် အပြုအမူ အပြောအဆို၊ အတွေးအခေါ် ပြောင်းရတာ ရှိပါတယ်။ ဒီလို အလိုက်သင့်အလျားသင့် နေနိုင်မှသာ ရည်မှန်းချက်ကို ပေါက်မြောက်အောင်မြင်ဖို့အတွက် အခွင့်ကောင်းတွေ ရလာမှာပဲ ဖြစ်ပါတယ်။ ဒီလိုနေရာမှာတော့ အိုသွေးအုပ်စုပိုင်ရှင်တွေက ဆရာကျကြတယ်လို့ ပြောရမှာပါ။ သူတို့တွေဟာ ဒေသအလိုက်၊ အခက်အခဲအလိုက်၊ သူတို့နဲ့ကိုက်အောင် နေထိုင်တတ်ကြတဲ့ စရိုက်ရှိကြတာကြောင့် ဘယ်နေရာမှာမဆို ပျော်ပျော်ရွှင်ရွှင် ရှင်သန်နေထိုင်တတ်ကြသူတွေ ဖြစ်ပါတယ်။
(၄) ရက်ရောကြသူတွေ ဖြစ်ကြတယ်
ဒီအချက်ကတော့ ပထမဆုံးအချက်ကနေ လာတယ်လို့တောင် ပြောလို့ရပါတယ်။ သွေးရဲ့ ဇီဝဗေဒ ဗီဇအရကို အများအတွက် ကောင်းကျိုးပြုတာကြောင့် သူတို့တွေဟာ ရက်ရောကြသူတွေ ဖြစ်ပါတယ်။ လိုအပ်တဲ့သူတွေ၊ မိတ်ဆွေအတွက် ချစ်ခြင်းမေတ္တာနဲ့ လူလူချင်း တန်ဖိုးထားတတ်ကြတာကြောင့် သူတို့မှာရှိတဲ့ ရုပ်ဝတ္ထုပစ္စည်းတွေကို ပေးလိုက်ဖို့၊ လှူလိုက်ဖို့ ဒုတိယအကြိမ် မစဉ်းစားကြတဲ့သူတွေ ဖြစ်ကြပါတယ်။
(၅) ခေါင်းဆောင်မှုစွမ်းရည် ပြည့်ဝကြတယ်
အခက်အခဲတွေနဲ့ စိန်ခေါ်မှုတွေက အိုသွေးအုပ်စုပိုင်ရှင်တွေကို တုန်လှုပ်စေမှာ မဟုတ်ပါဘူး။ အဲ့ဒီအစား သူတို့တွေက အခက်အခဲတွေနဲ့ စိန်ခေါ်မှုတွေကို ထွေးပိုက်ပြီး တခြားသူတွေကို ရှေ့ကနေ မားမားမတ်မတ် ဦးဆောင်ပြနိုင်ကြပါသေးတယ်။ အနစ်နာလည်း ခံတတ်ပြီး ပြဿနာတွေကို တည်တည်ငြိမ်ငြိမ်နဲ့ ဖြေရှင်းတတ်ကြတာကြောင့် ခေါင်းဆောင်မှုစွမ်းရည်အတွက် လိုအပ်တဲ့ အရည်အချင်းတွေက သူတို့ဆီမှာ ရှိနေပြန်ပါတယ်။
(၆) အပေါင်းအသင်းများကြတယ်
လူတွေကို ချစ်ခင်တယ်၊ တခြားလူတွေရဲ့ အခက်အခဲတွေကို စိတ်ဆန္ဒရှိရှိ ဖြေရှင်းပေးတတ်ကြတာကြောင့် သူတို့ဘေးမှာ အပေါင်းအသင်းတွေ ဝိုင်းနေတတ်ကြသူတွေလည်း ဖြစ်ပါတယ်။ မိတ်ဆွေအပေါင်းအသင်းများခြင်းဟာ ဗုဒ္ဓဘုရားရှင်ရဲ့ မင်္ဂလာတရားတော်နဲ့အညီဖြစ်တာကြောင့် မင်္ဂလာရှိနေကြသူတွေလည်း ဖြစ်ကြပြန်ပါသေးတယ်။
(၇) အေသွေးအုပ်စုပိုင်ရှင်တွေအပေါ်တော့ တစ်ကိုယ်ကောင်းနည်းနည်း ဆန်တတ်ကြတယ်
ဒီအချက်ကတော့ အိုသွေးအုပ်စုပိုင်ရှင်တွေမှာ ရှိတတ်တဲ့ အားနည်းချက်ဖြစ်ပါတယ်။ သူတို့တွေဟာ တခြားသူတွေအပေါ် ဘယ်လောက်ပဲ ရက်ရောရက်ရော အေသွေးအုပ်စုပိုင်ရှင်တွေအပေါ်တော့ တစ်ကိုယ်ကောင်းဆန်တတ်ကြပါတယ်။ ဒါကိုတော့ အိုသွေးအုပ်စုပိုင်ရှင်တွေအနနဲ့ ပြင်ယူရမယ့်အချက်လည်း ဖြစ်ပါတယ်။
Kham
