အစ်ကို၊ အစ်မတွေ ဘယ်တော့မှ နားလည်နိုင်မှာမဟုတ်တဲ့ အငယ်ဆုံးဖြစ်ရခြင်းရဲ့ ဒုက္ခ (၉)မျိုး

shutterstock/ Yuriy Golub
Sponsored

အငယ်ဆုံးတွေက အမြဲတမ်းအလိုလိုက်ခံရလို့၊ ဆိုးချင်တိုင်းဆိုးလို့ရလို့ဆိုပြီး မိသားစုတစ်ခုမှာ၊ မောင်နှမတွေကြားထဲမှာ အငယ်ဆုံးဖြစ်ရတာ အရမ်းကံကောင်းတယ်လို့ ပြောတတ်ကြပါတယ်။ အငယ်ဆုံးဖြစ်ရတာ ကံကောင်းတယ်လို့ဆိုနိုင်ပေမယ့် ဆိုးတဲ့အချက်တွေလည်းရှိပါတယ်။ ကဲ အငယ်ဆုံးတွေသာ နားလည်တဲ့ ဒုက္ခလေးတွေကိုဖော်ပြလိုက်ပါတယ်။ ဘယ်နှချက်လောက်မှန်နေလဲ ပြောသွားပါဦး။

(၁) အဖေ၊ အမေ၊ အဖိုး၊ အဖွားနဲ့ အစ်ကို၊ အစ်မတွေက ကိုယ့်ရဲ့ နာမည်အရင်းကိုခေါ်တယ်လို့မရှိဘဲ သူတို့စိတ်ကူးထဲပေါ်ရာ၊ ပါးစပ်ထဲတွေ့ရာ နာမည်တွေခေါ်တာခံရပါတယ်။ သူတို့ကတော့ ချစ်ဖို့ကောင်းတဲ့နာမ်စားတွေလို့ထင်ပေမယ့် အခေါ်ခံရတဲ့လူအတွက်ကတော့ သိပ်အဆင်မပြေနေပါဘူး။ အဲ့ဒီနာမည်တွေကို သူငယ်ချင်းတွေသာသိသွားရင် မတွေးရဲစရာ။
pinterest/Angela Luke The Creative Imaginarian Mom
(၂) သီတင်းကျွတ်၊ သင်္ကြန် ဒါမှမဟုတ် ပွဲတော်ရက်တစ်ခုခုရောက်မှ အဝတ်အစားအသစ်ဆိုတာရတာပါ။ တစ်နှစ်ပတ်လုံး အကြီးတွေရဲ့ အကျပဲဝတ်နေရတာကတော့ တော်တော်ဆိုးတဲ့အချက်ပါ။ ဝတ်ရတာလည်း ယောကျာ်းလေးဝတ်တွေရော၊ မိန်းကလေးဝတ်တွေရော အမျိုးအစားတွေစုံနေတာပါပဲ။
(၃) “ငါ့ကို ဆရာလာမလုပ်နဲ့၊ နင့်ထက် ထမင်းအရင်စားတာ၊ နင့်ထက် ပိုသိတယ်” ဆိုတဲ့ စကားကိုတော့ မကြားချင်အဆုံး တစ်သက်လုံးကြားခဲ့ရတာပါ။ အခုထိလည်းကြားနေရတုန်းပဲ။
pixabay/free photos
(၄) သေချာစဉ်းစားပြီးပေးလိုက်တဲ့ အကြံ၊ အိမ်အတွက် အထောက်အကူဖြစ်မယ်ထင်လို့ ဝင်ပြောလိုက်တဲ့စကားတွေက ဘယ်တုန်းကမှ အရာမဝင်ဘူး။ အငယ်ဆုံးတွေဟာ တစ်သက်လုံး လူကြီးဖြစ်မလာဘူးလို့ မှတ်ယူထားသလားထင်ရ။
(၅) အတန်းတွေလည်း တစ်တန်းပြီးတစ်တန်းတက်လာတယ်၊ အသက်တွေလည်း တစ်နှစ်ပြီးတစ်နှစ်ကြီးလာတယ်၊ အဖေအမေနဲ့ အိပ်ရာခွဲမအိပ်ရသေးဘူး။
(၆) “သူ့ကိုခေါ်သွားရမှာလား၊ မခေါ်ချင်ဘူး၊ သူပါရင်မသွားတော့ဘူး” အဲ့လိုမျိုး အစ်ကို၊ အစ်မတွေရဲ့ ငြင်းဆန်ခြင်းကို မကြာမကြာခံရတတ်တယ်။
pixabay /greyerbaby
(၇) တစ်အိမ်လုံးရဲ့ ဝိုင်းစတာခံရတယ်၊ ကိုယ်လုပ်သမျှ အမြဲဟာသဖြစ်နေတတ်တယ်။ အိမ်ကို ဧည့်သည်လာရင်တောင် ကိုယ့်ရဲ့ အလွဲတွေကို ဖောက်သည်ချလိုက်သေး။
(၈) အစ်ကို၊ အစ်မတွေရဲ့ ညာခိုင်းတာခံရတယ်။ Complain တက်ရင်လည်း သူတို့မခေါ်မှာစိုးလို့ မတက်ရဲဘူး။ အသက်ကြီးလာမှ ဒါတွေကိုနားလည်လာပြီး နောက်ထပ်ပြန်အဟားခံရတာမျိုး။
shutterstock/ look studio
(၉) ကျောင်းမှာဆိုလည်း ဆရာ၊ ဆရာမတွေက “နင့်အစ်ကို၊ အစ်မတွေတုန်းကတော့ ဘယ်လိုတော်တာနော်၊ နင့်အလှည့်မှ တလွဲမဖြစ်စေနဲ့” စသဖြင့် နှိုင်းယှဉ်ပြောတာခံရသေးတယ်။
  • အငယ်ဆုံးဖြစ်ရတာ ဒီလို ဒုက္ခလေးတွေတော့ ရှိပေမယ့် အငယ်ဆုံးတွေဟာ တစ်အိမ်လုံးရဲ့ အချစ်ဆုံးဆိုတာကိုတော့ ငြင်းလို့မရပါဘူး။
READ
အသက် (၃၀)ကျော်က (၂၀)ကျော်ထက် ပိုကောင်းတယ်ဆိုတာ သက်သေပြနေတဲ့ အချက် (၉)ချက်

MAY THAZINHTOO

sponsored