လက်ထပ်ခြင်းနဲ့ ပတ်သတ်ပြီး လူငယ်အများစု စိုးရိမ် ထိတ်လန့်တဲ့ အချက်(၇)ချက်

Shutterstock/metamorworks
Sponsored

အရွယ်ရောက်လာတဲ့ လူတိုင်းကတော့ အချိန်တန်လာတာနဲ့ လက်ထပ်ဖို့အတွက် စိတ်ကူးယဉ်လာတတ်ပါတယ်။ လက်ထပ်ခြင်းကို မရှောင်လွဲနိုင်ကြသလိုပဲ လက်ထပ်ခြင်းရဲ့ နောက်ဆက်တွဲ ဆိုးကျိုးတွေ ပြဿနာတွေကိုလည်း ဖြစ်လာရင် ရှောင်မရတတ်တာ လောကသဘာဝ တစ်ခုပါပဲ။ မြင်တွေ့နေရတဲ့ ပတ်ဝန်းကျင် အခြေအနေကြောင့် အရွယ်ရောက်လာတဲ့ လူငယ်အများစုကတော့ လက်မထပ်ခင်မှာ အခုလို အချက်တွေကို တွေးပြီး စိုးရိမ်နေကြပါတယ်။

(၁) အိမ်ထောင်ရေး သာယာနိုင်ပါ့မလား

Sponsored

လူတိုင်း တွေးအပူဆုံး အချက်တစ်ခု ဖြစ်ပါတယ်။ အိမ်ထောင်ပြုပြီးတဲ့နောက်မှာ သာယာတဲ့ အိမ်ထောင်တစ်ခု ဖြစ်လာနိုင်မလားဆိုတာကို ယတိပြတ် မသိနိုင်တာကြောင့် ထိတ်လန့်နေတတ်ကြပါတယ်။ သာယာအောင် ဖန်တီးဖို့ ကိုယ့်ပေါ်ပဲ မူတည်တယ်ဆိုပေမယ့်လည်း ကိုယ့်ကိုယ်ကိုရော လက်တွဲဖော်ကိုရော မသေချာတဲ့ ကံတရားကို အတပ်မပြောနိုင်လို့ စိုးရိမ်ကြခြင်းဖြစ်ပါတယ်။

Photo by Victoria Borodinova from Pexels

(၂) ဖောက်ပြန်ခဲ့ရင်ရော

READ
ဇနီးသည်ကို စိတ်ပျက်စေတဲ့ ခင်ပွန်းသည်ရဲ့ အပြုအမူများ

ချစ်သူ ရည်းစား ဘဝတွေမှာလည်း ဖောက်ပြန်မှုတွေ၊ ပတ်ဝန်းကျင်မှာ ရှိတဲ့ ဖောက်ပြန်မှု ဇာတ်လမ်းတွေက စိုးရိမ်စိတ်တွေ ဖြစ်ပါတယ်။ လက်တွဲဖော်ကို မယုံတာမျိုး မဟုတ်ပေမယ့် ဖြစ်လာခဲ့ရင် ဆိုတဲ့ စိတ်ကတော့ ဖြစ်နေတတ်ပါတယ်။

(၃) မချစ်ကြတော့ရင်

အချစ်တွေက ဘယ်လောက် ကြာနိုင်လဲလို့ တွေးတတ်ကြပါတယ်။ အချစ်တွေ မရှိတော့ရင် အတူ ဘယ်လို ရှေ့ဆက်မလဲနဲ့ အိမ်ထောင်ပြုပြီးမှ တကယ်ချစ်မိတဲ့သူကို ထပ်တွေ့သွားကြရင်ဆိုတဲ့ စိတ်ကို ပိုပြီး စိုးရိမ်တတ်ကြပါသေးတယ်။

(၄) ငွေကြေးအခက်အခဲ

တစ်ယောက်တည်း ဝင်ငွေနဲ့ မရပ်တည်နိုင်တဲ့ ခေတ်မှာ သားသမီးတွေ ရှိလာခဲ့ရင် ငွေကြေးအတွက် ပြေလည်အောင် ဖြေရှင်းနိုင်ပါ့မလား တွေးပူတတ်ကြပါတယ်။

shutterstock/Marcos Mesa Sam Wordley

(၅) ယုံကြည်ရပါ့မလား

ချစ်စခင်စ ကြင်နာစမှာတော့ မိုးမမြင် လေမမြင် ယုံကြည်ရပေမယ့် အချိန်တွေ ကြာသွားရင်ရော တစ်ယောက်ကို တစ်ယောက် တူတူရုန်းကန်ရာမှာ ဘာအတွက်ဖြစ်ဖြစ် ယုံကြည်ရနိုင်မလားကို ဇဝေဇဝါ ဖြစ်နေတတ်ကြပါတယ်။

READ
လက်ထပ်လိုက်တာနဲ့ပိုပျော်ရွှင်ရမှာလား? ဒီအချက် ၅ ချက်နဲ့ ဆန်းစစ်ကြည့်ရအောင်။

(၆) ပျော်ရွှင်မှု ပျောက်သွားရင်ရော

လက်ထပ်တယ်ဆိုတာ လောကသဘာဝမို့ ဆိုပေမယ့် လက်ထပ်ပြီး ကြုံရတဲ့ အခက်အခဲတွေကလည်း လောကသဘာဝတွေပါပဲ။ ဒီလို မိသားစုအတွက် မဖြစ်မနေ ကြိုးစားရတဲ့အခါမျိုးမှာ အားတင်းနိုင်ပါ့မလား ဆိုတာနဲ့ ပျော်ရွှင်ဖို့ အချိန်တွေရော ရှိပါ့မလား တွေးရင်း စိတ်မောနေတတ်ကြပါသေးတယ်။

(၇) ကံတရား

ကံတရားဆိုတာ ကြိုမမြင်နိုင်ပေမယ့်လည်း ကြိုတွေးပြီးလည်း ပူပန်တတ်ကြပါသေးတယ်။ လက်ထပ်ခဲ့ပြီိးမှ ခက်ခဲတဲ့ ကံတရားတွေ ရောက်လာခဲ့ရင် ဘယ်လို ရင်ဆိုင်ရမလဲဆိုတဲ့ စိတ်နဲ့ ထိတ်လန့်တတ်ကြပါသေးတယ်။

Kham

sponsored