လက်ထပ်တော့မယ်ဆိုရင် မဖြစ်မနေ ပြင်ဆင်ထားရမယ့် အချက်များ

shutterstock/Vitchanan Photography
Sponsored

အိမ်ထောင်ပြုတယ် လက်ထပ်တယ်ဆိုတာ နှစ်ယောက် အတူနေရုံနဲ့ ပြီးသွားတဲ့ ကိစ္စတော့ မဟုတ်ပါဘူး။ ချစ်ရတဲ့သူ တွေ့လာတဲ့အခါမှာတော့ လက်ထပ်ချင်ကြတာ ထုံးစံပဲ ဖြစ်ပါတယ်။ ဒါပေမယ့် ရှေးလူကြီးတွေ စကားလို အိမ်ထောင်ပြုတယ်ဆိုတာ ထီထိုးသလိုပါပဲ ဆိုတဲ့အချက်ကို သတိထားသင့်ပါတယ်။ ဒါကြောင့် ကိုယ်က တစ်စုံတစ်ယောက်နဲ့ လက်ထပ်တော့မယ်လို့ စိတ်ကူးရှိပြီဆိုရင်တော့ ဒီအချက်တွေကို ပြင်ထားဖို့ လိုအပ်ပါလိမ့်မယ်။

(၁) ငွေရေးကြေးရေး

Sponsored

လူတိုင်း ရုန်းကန် လှုပ်ရှားမှသာ အဆင်ပြေတဲ့ ခေတ်မှာ ငွေရေးကြေးရေး လည်ပတ်မှုအတွက် မဖြစ်မနေ စဉ်းစားဖို့ လိုအပ်ပါတယ်။ ကိုယ့်ရဲ့ ဝင်ငွေက ကိုယ့်ရဲ့ မိဘနဲ့ မိသားစုအတွက် ထောက်ပံ့ပြီး အသုံးပြုနေရသူတွေလည်း ရှိပါတယ်။ ဒီလိုဆိုရင်တော့ အိမ်ထောင်ပြုခြင်းအတွက် ပြင်ဆင်မှုတွေ ပြုလုပ်ရမှာပါ။ မိသားစုတွေကို ထောက်ပံ့မယ့် အစီအစဉ် ကိုယ့်အိမ်ထောင်အတွက် အဆင်ပြေ မပြေ စတာတွေပါ တွက်ချက်ပြီး အဆင်ပြေတဲ့ အခြေအနေ ဟုတ် မဟုတ်ကို စောင့်ဆိုင်း တွက်ချက်တတ်ဖို့ လိုအပ်ပါတယ်။

shutterstock/Dragon Images

(၂) အမူအကျင့်နဲ့ အယူအဆ

လက်ထပ်တယ်ဆိုတာ လူနှစ်ယောက် အတူနေတယ်ဆိုရုံလောက်တော့ မဟုတ်ပါဘူး။ လူတွေက တစ်ယောက်နဲ့ တစ်ယောက် အတူနေထိုင်ကြတဲ့အခါ တူညီတဲ့အချက်တွေ ရှိမှသာ အဆင်ပြေတာ ဖြစ်ပါတယ်။ အသန့်ကြိုက်သူနဲ့ ညစ်တီးညစ်ပတ်နေတဲ့သူနဲ့က ဘယ်လိုမှ အဆင်ပြေမှာ မဟုတ်ပါဘူး။ ဒါ့အပြင် အယူအဆတွေလည်း နီးဖို့ လိုပါတယ်။ ဥပမာ ဘာသာရေးအကဲဆတ်လွန်းတဲ့သူနဲ့ ဘာသာရေးကို မေတ္တာနဲ့ ကိုးကွယ်တာမျိုးကလည်း အဆင်ပြေမှာ မဟုတ်ပါဘူး။ ဒါကြောင့် လက်ထပ်ဖို့ စဉ်းစားရင် အကျင့်တွေ အယူအဆတွေ တူမတူကိုလည်း သိထားဖို့ လိုအပ်ပါတယ်။

READ
လက်ထပ်လိုက်တာနဲ့ပိုပျော်ရွှင်ရမှာလား? ဒီအချက် ၅ ချက်နဲ့ ဆန်းစစ်ကြည့်ရအောင်။

(၃) ဘဝ လျှောက်လှမ်းပုံ

လူတိုင်းမှာ ဘဝအိပ်မက်တွေ ရှိပါတယ်။ လူ့ဘဝက အိမ်ထောင်ပြုခြင်းမှာ အဆုံးမသတ်သွားပါဘူး။ အိပ်မက်တွေ၊ သူငယ်ချင်းတွေ၊ အိမ်ထောင်ပြုမှုတွေ အားလုံးက ဘဝတစ်ခုလုံးရဲ့ အစိတ်အပိုင်းတွေ ဖြစ်ပါတယ်။ ဒါတွေကို ညီမျှအောင် ထိန်းသိမ်းခြင်းကမှ ဘဝ ဖြစ်လာတာပါ။ တစ်ယောက်က ဘဝကို တိုးတက်အောင် ပြုလုပ်ချင်စိတ်တွေ ရှိသလို ပညာတွေ ဆက်ပြီး သင်ယူချင်စိတ် ရှိပေမယ့် တစ်ယောက်ကတော့ မိသားစုကိုပဲ အချိန်ပေးပြီး တစ်ခြားဘာကိုမှ အာရုံမရှိစေချင်တာကလည်း အဆင်မပြေပါဘူး။ ဒါကြောင့် လက်မထပ်ခင်မှာ ဒါတွေ သိထားတာက အကောင်းဆုံးပါ။

shutterstock/Makistock

(၄) နေထိုင်မယ့် နေရာ

တစ်ယောက်က မြို့မှာ အခြေချချင်ပြီး တစ်ယောက်က မွေးရပ်မြေကနေ မခွာနိုင်ဘူးဆိုတာကလည်း အဆင်မပြေပါဘူး။ ဒါ့အပြင် တစ်ယောက်က မိဘကို မခွဲနိုင်ဖြစ်ပြီး တစ်ယောက်ကတော့ မိဘတွေနဲ့ နေထိုင်ရတာ အဆင်မပြေဖြစ်နေတာကလည်း အဆင်မပြေပါဘူး။ အိမ်စရိတ်တွေကလည်း ဒီဘက်ခေတ်မှာတော့ တိုက်ခန်း အငှား နေထိုင်ကြရတာ များတဲ့အတွက် အိမ်စရိတ်တွေ လည်ပတ်အောင် ပေးနိုင်တဲ့ ဝင်ငွေတွေ ရှိနေပြီလားဆိုတာကိုလည်း ကြည့်ရမှာ ဖြစ်ပါတယ်။

READ
ထူးထူးခြားခြားဘူတာရုံနဲ့ချစ်ကျွမ်းဝင်ပြီး ထိုဘူတာရုံနဲ့လက်ထပ်ခဲ့တဲ့အမျိုးသမီး

(၅) အိမ်ထောင်ပြုပြီးနောက် အစီအစဉ်များ

အိမ်ထောင်ပြုပြီး အစီအစဉ်တွေကလည်း သိပ်ကို အရေးကြီးပါတယ်။ တစ်ချို့ကတော့ အိမ်ထောင်ပြုတာ လက်ထပ်ခြင်းပဲ ဖြစ်ပြီး ကိုယ့်ရဲ့ အိပ်မက်အတွက် ကျောင်းဆက်တတ်တာ အလုပ်နေရာ အပြောင်းအရွှေ့တွေကို လက်ခံချင်ကြတာတွေ ရှိပါတယ်။ တစ်ချို့ကတော့ မိသားစုနဲ့ ပုံမှန်ဝင်ငွေ ရှိပြီး သားသမီး ယူပြီး အတူရှိဖို့ သက်သက် လိုချင်ကြသူတွေလည်း ရှိပါတယ်။ ဒီလို တစ်ယောက်နဲ့ တစ်ယောက် အစီအစဉ်တွေ မတူရင် အိမ်ထောင်ရေးကလည်း အဆင်မပြေနိုင်တာမို့ သေချာ တွေးဖို့တော့ လိုပါတယ်နော်။

Kham

sponsored