ဘယ်လို အချိန်မှာ ဖြစ်ဖြစ် ကိုယ့်ကို စိတ်သက်သာရာ ရစေတဲ့သူဆိုတာ ဒီလိုမျိုးပါ…

Photo by Cleyder Duque from Pexels
Sponsored

အပေါင်းအသင်းတွေ များတဲ့သူဆိုရင်တောင်မှ ကိုယ့်ကို စိတ်သက်သာစေတဲ့သူမျိုးတွေ ပါသလားဆိုတာကို အတော် ပြောရခက်ပါတယ်။ ကိုယ့်စိတ်ကို သက်သာရာရစေတဲ့ သူတွေ ဆိုတာ ကိုယ့်မိဘ ဖြစ်နေနိုင်သလို ကိုယ့် ချစ်သူ သို့မဟုတ် သူငယ်ချင်းလည်း ဖြစ်နေနိုင်ပါတယ်။ သေချာတာကတော့ ကိုယ့်ကို စိတ်သက်သာရာ ရစေတတ်တဲ့ သူတွေကတော့ အခုလို အချက်တွေ ရှိနေတတ်ပါတယ်။

နားလည်ပေးတယ်

Sponsored

သူတို့တွေကတော့ ဘယ်လို အကြောင်းအရာပဲ ဖြစ်စေ ဖြစ်တတ်တဲ့သဘာဝပဲဆိုတဲ့ပုံစံနဲ့ နားလည်မှု ပေးတတ်ကြပါတယ်။ ဒါ့အပြင် ကိုယ် ဘာပဲဖြစ်နေနေ အဲ့သည့်ပုံစံကို နားလည်မှု ပေးနေတတ်တာလည်း သူတို့ပါပဲ။ မကျေနပ်မှုတွေနဲ့ ဒေါသတွေကိုလည်း သူ့ရှေ့မှာဆို သင် ဟန်ဆောင်ဖို့ မကြိုးစားဘဲ စိတ်ရှင်းရှင်း ပြောပြလို့ ရနေတယ်ဆိုရင် သူက နားလည်ပေးတတ်တဲ့သူမို့ပါပဲ။

Photo by Brett Sayles from Pexels

မလိုအပ်ပဲ ဖိအား မပေးဘူး

READ
သူ့ရဲ့ အကြီးမားဆုံး စိတ်ဒဏ်ရာအကြောင်းကို ရင်ဖွင့်ခဲ့တဲ့ သရုပ်ဆောင် Kim Seonho

သင့်ကို နားလည်တဲ့သူ ဖြစ်သလို သင့်ကို မကောင်းတဲ့ အရာတွေထဲ နှစ်မထားတတ်တဲ့ သူမျိုးလည်း ဖြစ်ပါတယ်။ အရာရာကို နားလည်ပေးတယ် ဆိုပေမယ့် သင်က ကိုယ့်စိတ်ကို ပိုပြီး ပူလောင်အောင် လုပ်မိတာမျိုး၊ ပေတေပြီး ကိုယ့်ကိုယ်ကို နှိပ်စက်တာမျိုးကိုဆို ကြည့်မနေနိုင်တဲ့သူတွေ ဖြစ်ပါတယ်။ ဒီလို မကောင်းတာတွေ ဖြစ်နေရင်တော့ သင် ပြောင်းလဲဖို့ သူတို့က စကားလုံးအရရော၊ အပြုအမူအရပါ ဖိအားပေးတတ်ကြပါတယ်။

Photo by RODNAE Productions from Pexels

ပြောသမျှအကုန် နားထောင်ပေးတယ်

သင် ဘာပဲပြောပြော၊ သင့်ကို ဘယ်လိုလူပါဆိုပြီး မဝေဖန်၊ အကဲမဖြတ်တဲ့သူတွေလည်း ဖြစ်ပါတယ်။ ဒီအချက်ကြောင့် သင် ပျော်တာဖြစ်ဖြစ်၊ ဝမ်းနည်းတာ ဖြစ်ဖြစ် သူ့ကို ပြောလို့ ရပါတယ်။ သူ့ကို ဘာပဲဖြစ်ဖြစ် ပြောလိုက်တိုင်းမှာ သင်ကိုယ်တိုင်လည်း စိတ်သက်သက်သာသာ ဖြစ်သွားတတ်ပါတယ်။

Photo by RODNAE Productions from Pexels

အဖော်အဖြစ် ရှိပေးတယ်

READ
ကော်ဖီသောက်ခြင်းကြောင့် ရလာမယ့် ကျန်းမာရေးကောင်းကျိုးများ

သင့်အတွက် သူက အားရင် အားသလို အဖော်အဖြစ် ရှိနေပေးတတ်ပါတယ်။ သင် ဝမ်းနည်းနေရင်လည်း သင်ပြောတာတွေ နားထောင်ပြီး နှစ်သိမ့်ပေးတတ်သလို သင် ဒေါသထွက်နေရင်လည်း စိတ်သက်သာသွားအောင် ပြောတတ်ကြပါတယ်။ စိတ်ပြေလက်ပျောက် ဖြစ်အောင် စကားအတူပြောပေးတာ၊ မုန့်အတူစားတာ စတာတွေကိုလည်း ပြုလုပ်ပေးတတ်ကြပါသေးတယ်။ သူ တကယ် မအားမှပဲ မအားသေးကြောင်း ပြောတတ်တာပါ။

Photo by Cleyder Duque from Pexels

အပြစ် ပြောစရာရှိရင် ပြောတယ်

သင် ဘာပြောပြော နားထောင်တဲ့သူဆိုပေမယ့် သင့်ကို ဒီအတိုင်း ကြည့်နေတာမျိုးတော့ မဟုတ်ပါဘူး။ တခြားသူဘက်က လွန်တာ မဟုတ်ဘဲ သင့်ဘက်က လွန်တာမျိုးကိုဆိုရင် သူတို့က သင့်အမြင်တွေကို တည့်မတ်ပေးပြီး စိတ်သက်သာအောင် ပြုလုပ်ပေးတတ်ကြပါတယ်။ အပြစ် ပြောစရာ ရှိတာ ပြောပေမယ့် သင့်ကိုတော့ စိတ်သက်သာအောင် ပြုလုပ်ပေးနိုင်ကြပါသေးတယ်။

Kham

sponsored