စမတ်ကျပြီး ထက်မြက်တဲ့ လူငယ်တစ်ယောက် ဖြစ်လာစေမယ့် နည်းလမ်းကောင်းလေးများ

diana.grytsku/Freepik
Sponsored

ဒီနေ့လို အပြိုင်အဆိုင်များတဲ့ ခေတ်မှာ လူငယ်ဖြစ်လာပြီဆိုရင် ဘာမှ မသိတာမျိုးထက်စာရင် ဗဟုသုတလည်း ရှိပြီး သွက်လက်တဲ့သူဆိုရင် ပိုပြီး အခွင့်အလမ်းတွေကို ဆုပ်ကိုင်နိုင်ရချေ များပါတယ်။ လူငယ်တစ်ယောက်အနေနဲ့ ဘာမှ မသိဘူးဆိုတာမျိုး မဖြစ်ရလေအောင် ကိုယ့်ကိုယ်ကို ထက်မြက်တဲ့သူ ဖြစ်ထားရင် အကောင်းဆုံးပါပဲ။ ဒီအတွက် ကိုယ့်ဘက်က ဒီအရာတွေကို ပြင်ဆင်ထားမယ်ဆိုရင် ဖြစ်နိုင်ပါတယ်နော်။

(၁) လေ့လာပါ

Sponsored

လူငယ်တစ်ယောက်အနေနဲ့ လေ့လာပြီး တတ်မြောက်ထားသင့်တာတွေ အများကြီးပါပဲ။ ကွန်ပျူတာ သုံးတတ်တာ၊ နည်းပညာတွေနဲ့ ပတ်သတ်ရင် ဗဟုသုတရှိတာ၊ အနုပညာ အမြင်ရှိတာတွေ အပြင် ဘာသာစကား တစ်ခုခု တတ်မြောက်ထားတာက သင့်ကို ပိုပြီး အမြင်ကျယ်စေပါတယ်။ ဒါ့အပြင် လူငယ်တွေကြားမှာ ဘယ်လိုမျိုး ဆက်ဆံရေးတွေ ရှိတတ်တယ်ဆိုတာကို လေ့လာထားရင် ပိုကောင်းပါတယ်။

lookstudio/Freepik

(၂) trend ကို မျက်ခြေ မပြတ်ပါနဲ့

ထက်မြက်တဲ့လူငယ်တစ်ယောက် ဖြစ်ဖို့ဆိုရင် ပတ်ဝန်းကျင် အခြေအနေကိုလည်း မျက်ခြေမပျက်တာ အကောင်းဆုံး ဖြစ်ပါတယ်။ လူငယ်တွေ ဘာကို စိတ်ဝင်စားနေလဲ၊ လုပ်ငန်းခွင်တွေမှာ ဘာတွေက ပိုပြီး အခွင့်အလမ်းများလဲ၊ ကိုယ့်အိပ်မက်နဲ့ ဆိုင်တဲ့ အလုပ်အကိုင်တွေကရော ဘာတွေလဲ စတာတွေကို သိထားတယ်ဆိုရင် ခပ်တုံးတုံး လူငယ်တစ်ယောက်မျိုး ဖြစ်နေမှာ မဟုတ်ပါဘူးနော်။

READ
သင့်ကို နတ်ကောင်းနတ်မြတ်တွေ စောင့်ရှောက်နေတယ်ဆိုတာ သိနိုင်မယ့်အချက် (၅) ချက်
lookstudio/Freepik

(၃) တစိုက်မတ်မတ် ရှိပါစေ

ဟိုစပ်စပ် ဒီစပ်စပ် လိုက်လေ့လာတာမျိုးထက်ပိုပြီး စမတ်ကျတဲ့သူ ဖြစ်ချင်ရင်တော့ အလုပ်အကိုင်မှာ ဖြစ်စေ၊ အတတ်ပညာတစ်ခုခုကို လေ့လာတဲ့အခါ ဖြစ်စေ တစိုက်မတ်မတ် လုပ်နိုင်ရင် အကောင်းဆုံးပါပဲ။ တစ်ခုတည်းကိုပဲ အာရုံစိုက်ပြီး ကျွမ်းကျင်အောင် လုပ်တာက သင့်ကို စမတ်ကျတဲ့ အသွင်အပြင်ကို ရရှိစေပါတယ်နော်။

(၄) ကိုယ်နဲ့ လိုက်ဖက်အောင် ဝတ်ပါ

ဘယ်လောက်ပဲ အတွေးအခေါ်တွေ ကောင်းနေပါစေ၊ first impression က သိပ်ကို အရေးကြီးပါတယ်။ ကိုယ့်ရဲ့ အရည်အချင်းတွေကို ကိုယ်နဲ့ တွဲအလုပ်လုပ်မှ သိနိုင်ပေမယ့် အဝတ်အစား အပြင်အဆင်ကလည်း ကိုယ် ဘယ်လို လူလဲဆိုတာကို ပေါ်လွင်စေပါတယ်။ ဒါကြောင့် လူငယ်ပီပီ စတိုင်ကျကျလေး ဝတ်တာက သင့်ကို ပိုပြီး ပေါ်လွင်စေပါတယ်။

READ
ဖွင့်မပြောရင်တောင် သင့်ကိုချစ်နေမှန်း သေချာတဲ့ ယောက်ျားတစ်ယောက်ရဲ့ လက္ခဏာ (၅) မျိုး
marymarkevich/Freepik

(၅) လူမှုဆက်ဆံရေးကို လေ့ကျင့်ပါ

စမတ်ကျတဲ့လူအများစုတွေကို ကြည့်လိုက်ရင် လူမှုဆက်ဆံရေး ကောင်းမွန်နေတာကို သိရမှာပါ။ ဘယ်လိုလူမျိုးကိုမဆို သူတို့က အဆင်ပြေပြေ ဆက်ဆံပြောဆိုနိုင်တာ သူတို့ရဲ့ အားသာချက် တစ်ခုပါပဲ။ ဒီလိုအရည်အချင်းက လေ့ကျင့်ယူလို့ ရလို့ စမတ်ကျတဲ့ လူငယ် ဖြစ်ချင်ရင် ကိုယ့်ရဲ့ လူမှုဆက်ဆံရေး အရည်အချင်းကိုပါ ကောင်းမွန်အောင် လုပ်ရမှာ ဖြစ်ပါတယ်။

wavebreakmedia_micro/Freepik

(၆) အချိန်ကို သေချာသုံးပါ

အချိန်ဆိုတာ သိပ်ကို အဖိုးတန်တယ်ဆိုတာ သိပြီး သေချာ မသုံးတတ်ရင်တော့ ဘာမှ သိပ်မထူးပါဘူး။ လေ့လာဖို့ အချိန်တွေ၊ အနားယူဖို့ အချိန်တွေ၊ အိပ်စက်ဖို့ အချိန်တွေ စနစ်တကျ သုံးစွဲတာမျိုးက စမတ်ကျတဲ့သူတွေမှာ ရှိနေတဲ့အချက် တစ်ချက်လည်း ဖြစ်ပါတယ်။

Kham

sponsored