နှစ်တစ်နှစ်ပြောင်းလာတဲ့အခါ လူဟာလည်း စိတ်သစ်၊ ပန်းတိုင်အသစ်၊ ခံယူချက်အသစ်တွေ ပြောင်းမှ နှစ်သစ်ဟာ အဓိပ္ပါယ်ရှိမှာပါ။ လူတစ်ယောက်ကို ပြောင်းလဲစေနိုင်တာကတော့ စိတ်ပါပဲ။ သင့်ရဲ့နှစ်သစ်ဟာပိုမိုကောင်းမွန်တဲ့ နှစ်သစ်ဖြစ်စေဖို့အတွက် နှစ်ဟောင်းမှာ ဒီအရာတွေကို ထားခဲ့လိုက်ပါ။
(၁) အပြစ်တင်နေတာရပ်လိုက်ပါ
သင်ဟာ သင့်ကိုသင်အပြစ်ရှိနေသလို ခံစားရတယ် ဒါမှမဟုတ် သင့်အပေါ်လူတစ်ယောက်ယောက်က အပြစ်ရှိနေတယ်လို့ ခံစားရတဲ့အရာတွေအားလုံးကို ခဝါချလိုက်ပါ။ သင့်ကိုသင်အပြစ်တင်တာ၊ သူတစ်ပါးကို အပြစ်တင်တာအားလုံးကို ရပ်လိုက်ပြီး စိတ်ကို ကြည်လင်နေအောင်ထားလိုက်ပါ။
(၂) အရှုံးတွေကိုလက်ခံလိုက်ပါ
သင့်ဘဝမှာ အောင်မြင်မှုတွေရှိခဲ့သလို၊ ရှုံးနိမ့်မှုတွေလည်း ရှိခဲ့မှာပါ။ သင့်ဘဝရဲ့ အရှုံးတွေကို စိတ်မကျေမနပ်၊ အောင့်သက်သက်ခံစားနေရတာတွေကို ရပ်လိုက်ပြီး အရှုံးတွေကိုလက်ခံလိုက်ပါ။ တူညီတဲ့အမှားတွေကို နောက်ထပ် မကျူးလွန်မိအောင်သာ သင်ခန်းစာယူပါ။
(၃) နောင်တမရပါနဲ့
သင့်ဘဝမှာ နောင်တတွေရှိနေခဲ့ရင် အဲ့ဒီ့နောင်တတွေကို ထားခဲ့လိုက်ပါတော့။ အတိတ်ကအမှားတွေကို နောင်တရနေမယ့်အစား အနာဂတ်မှာ ပိုကောင်းအောင် ဘယ်လိုကြိုးစားရမလဲဆိုတာကိုပဲ အာရုံစိုက်ပါ။
(၄) အားငယ်စိတ်တွေဖျောက်ပါ
သင့်ဘဝမှာ ကြောက်ရွံ့စိတ်တွေ၊ အားငယ်စိတ်တွေ၊ သိမ်ငယ်စိတ်တွေ ရှိနေခဲ့ရင် အဲ့ဒီအရာတွေအားလုံးကို ထားခဲ့လိုက်ပါ။ လုပ်ချင်ပေမယ့်မလုပ်ခဲ့ရတဲ့အရာတွေအားလုံးကို ရအောင်လုပ်မယ်ဆိုတဲ့စိတ်နဲ့ စတင်လုပ်ဆောင်ပါ။
(၅) တာဝန်တွေလျှော့ပါ
တစ်ခါတလေ ဘဝမှာ လုပ်ချင်တာတွေက အရမ်းများပြီး တစ်ယောက်တည်း လုပ်မနိုင်တော့ပဲ တာဝန်တွေ ပိနေတတ်ပါတယ်။ ဒါကြောင့် သင်ယူထားတဲ့ တာဝန်တွေထဲက တစ်ချို့တစ်ဝက်တွေကို လက်လွှတ်လိုက်ပါ။ သင်ကိုယ်တိုင်လည်း ပျော်ရွှင်ဖို့ လိုအပ်ပါသေးတယ်။ ဒါကြောင့် ပေါ့ပေါ့ပါးပါးနေဖို့ ကိုယ့်ကိုယ်ကို အနားပေးလိုက်ပါ။
(၆) အတိတ်ကနေထွက်လာခဲ့လိုက်ပါ
အတိတ်မှာ ဘယ်လိုဒဏ်ရာတွေပဲ ရှိနေပါစေ၊ အသက်ရှိနေသရွေ့တော့ ရှင်သန်နေရဦးမှာပါ။ ဒါကြောင့် အတိတ်ကနေ ရုန်းထွက်လိုက်ပါ။ အတိတ်မှာ ဘယ်လိုမကောင်းတဲ့အရာတွေ၊ ဝမ်းနည်းမှုတွေ၊ ပြင်လို့မရတဲ့အမှားတွေ ရှိနေခဲ့ရင်တောင် သင်ဟာ ဘဝကို အသစ်ပြန်စခွင့်ရှိပါတယ်။ ဒါကြောင့် အတိတ်ကနေ ထွက်လာခဲ့လိုက်ပါ။
Em Em
